Tito 2:11 - Tonga Bible 1986

¹¹ Chifukwa wezi waku Chiuta wabulika, wakutole ŵanthu wose utaski,

Tito 2:11 ပူးပေါင်းရင်းမြစ်များ

Sumu 67:2

Alinga kuti charu chose chiziŵe khumbu linu, mwakuti mitundu yose yiziŵe utaski winu.

Sumu 84:11

Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

Sumu 96:10

Nenani ku mitundu yose, “Ambuya ausa! Inya, charu chikumiskika, kuti chikasukuniskikanga so cha; ŵeruzgenge makhamu mu kurunjika.”

Yesaya 45:22

“Weneni kwangu ndi mutaskike, vigoti vyose vya charu chapasi! Pakuti ndine Chiuta, ndipo palivi so munyake.

Yesaya 49:6

Iyo watiti: “Nkhanthu kayuyu ukongwa kuti iwe uŵe mteŵeti wangu kuyuska mitundu yaku Yakobe kuwerezgiyapo wakuvikirika waku Yisraele; ndikakupaskanga iwe nge ndi lumbuni ku mitundu, mwakuti utaski wangu ufike ku chigoti cha charu chapasi.”

Yesaya 52:10

Ambuya arongo pakweru janja lawo pa maso gha mitundu yose; ndipo vigoti vyose vya charu chapasi vikawonanga utaski waku Chiuta widu.

Zekariya 12:10

“Ndipo ndipunguliyenge pa nyumba yaku Davidi ndi pa ŵakuja mu Yerusalemu mzimu wangu wachisungu-sungu ndi wakuŵeyere, viyo kuti asani ŵalereska paku yo ŵangumugwaza, ŵamuliriyenge, nge ndimo munthu waliriya kananda wake, ndipo wamuliriya ukongwa, nge ndi munthu yo waliriya mwana wake wakudanga.

Zekariya 4:7

Ndiwe yani, iwe phiri likuru? Panthazi paku Zerubabele usandukenge chidika; wazenge nawo mwa wapachanya mu kudanirizga, ‘Chimangu, chimangu kwaku wo!’ ”

Mateyu 28:19

Viyo rutani, sambizgani mitundu yose, ŵakuŵabatiziya mu zina la Dada ndi la Mwana ndi la Mzimu ŵakupaturika:

Marko 16:15

Ndipo wanguŵanene, “Kaninga mu charu chose; ndipo memezani evangeli ku ulengi wose.

Luka 24:47

ndi kuti ching'anamuka ndi chireke cha vilakwa vimemezeke mu zina lake ku mitundu yose, kwanda ku Yerusalemu.

Luka 3:6

ndipo munthu yose wawonenge utaski waku Chiuta.”

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Yohane 1:9

Kungweruka kwenecho, kwakungweruska munthu yose kwazanga mu charu.

Machitidu gha Ŵakutumika 11:23

Mweniyo wanguti wazako, ndi wawona wezi waku Chiuta, wangukondwere; ndipo wanguŵachichizga wose, kuti ndi linweka la mtima ŵamiziriye ku Ambuya;

Machitidu gha Ŵakutumika 13:43

Ndipo ŵati ŵatuwa mu sinagoge, ŵanandi ŵa ŵaYuda ndi ŵa ŵakhozi ŵakusopa ŵanguŵarondo Paulo ndi Barnaba: ŵeniwo pakurongoro nawo ŵaŵachichizganga kujaririya mu wezi waku Chiuta.

Machitidu gha Ŵakutumika 13:47

Chifukwa Ambuya atilanguliya viyo, ‘Ndakuŵika uwe kungweruka kwa Mitundu, kuti utore utaski mpaka ku chigoti cha panupasi.’ ”

Machitidu gha Ŵakutumika 17:30

Viyo nadi Chiuta wangujumphiskiya maso pa nyengo zo za ujira; kweni sono walanguliya ŵanthu wose kosekose kung'anamuka:

Machitidu gha Ŵakutumika 20:24

Kweni kuti ndipimiya umoyo wangu kanthu socha, chingana ngwakuzirwa kwaku ndamweni cha, uli nkhufiska mvizi wangu ndi likondwa, ndi uteŵete wondinguronde ku Ambuya Yesu, kwachisimikizgiya evangeli wo wa wezi waku Chiuta.

ŴaRoma 10:18

Kweni ndititi, asi ŵanguvwa? Inyadi, “Mazu ghawo ghanguwanda mu charu chose, ndi manenedu ghawo ku vigoti vya panupasi.”

ŴaRoma 5:15

Kweni mpasku waulera kuti wenge ndimo uliri ulakwi cha, viyo ndimo chiriri cha wezi so nacho. Chifukwa asani mu chilakwa cha yumoza yo wangufwiya ŵanandi wo, ukongwa kwakuruska wezi wo waku Chiuta, ndi mpasku wo wamu wezi wa munthu yumoza yo, Yesu Kristu, ungufurwiya ku ŵanandi wo.

ŴaRoma 5:2

mwaku mweniyo nayo taŵandikiyamo ndi chivwanu mu wezi uwu mwenimo tituma; ndipo titumbwiya mu chigomekezgu cha unkhankhu waku Chiuta.

2 ŴaKorinte 6:1

Ndipo taŵakutakatakiya pamoza nayo, tikuŵeyereni karonde wezi waku Chiuta kwaumbughuya cha.

ŴaGalatia 2:21

Kuti ndiunanga cha wezi waku Chiuta: chifukwa asani mu chilangulu mwe urunji, ipu Kristu wangufwa waka.

ŴaEfeso 2:5

teche ŵakufwa ifwe mu mamphuru, wangutichita ŵamoyo pamoza ndi Kristu iyo (ndi wezi mwataskika),

ŴaEfeso 2:8

chifukwa ndi wezi mwataskikiya mu chivwanu: ndipo chenicho kuti nchakutuwa kwaku mwaŵeni cha; ndi mpasku waku Chiuta;

ŴaKolose 1:23

asani nadi mujaririya mu chivwanu, ŵakukhazikika ndi ŵakukho, ŵakudezukako cha ku chigomekezgu cha evangeli wo mwavwa, ŵeniwo so ŵataulikiya mu ulengi wose wa pasi pa kuchanya; waku ŵeniwo ine nda Paulo ndaŵiya mteŵeti.

ŴaKolose 1:6

uli ndimo mu charu chose ngwakupasiya vipasi ndi kukuliya, viyo so ndimo wachitiya mwaku imwe, kutuwa ku zuŵa lo munguvwiya ndi kuziŵiska wezi waku Chiuta mu uneneska,

2 ŴaTesalonika 2:16

Ndipo Ambuyafwe Yesu Kristu mweneko, ndi Chiuta Auskefwe, yo wangutanja ndi wangutipaska chisangurusku cha muyaya ndi chigomekezgu chamampha mu wezi,

1 Timote 1:14

ndipo ungufurwiya ukongwa wezi wo wa Ambuyafwe pamoza ndi chivwanu ndi chanju chamwaku Kristu Yesu.

1 Timote 2:4

mweniyo wakhumba ŵanthu wose kutaskika ndi kufikapo pa mziŵiru wa uneneska.

2 Timote 1:10

kweni warongoleka sono mu chiwoneka cha Mtaski widu Yesu Kristu, mweniyo wakoto nyifwa, ndi wawoneska umoyo ndi uzirachivuzi mu evangeli,

2 Timote 4:17

Kweni Mbuya iyo wangumapo pamoza nane, ndipo wangundikhomeska; alinga kuti mwaku ine mumemezu wo ufiskike, ndipo kuti ŵanguvwa ŵaMitundu wose: ndipo ndingutaskika ku mlomo wa nkharamu.

ŴaHebere 12:15

Lereskanipo vinu yumoza wangapereŵe ku wezi waku Chiuta; “vinu msisi” wakuti wa kurunda, pakutunda, ungamsuzgani, ndi mwaku wo ŵangakazuzgikiya ŵanandi;

ŴaHebere 2:9

Kweni yo ngwakuchefyeka kamanavi ku ŵangelo timwona, ndiyo Yesu, wakuvwalikika unkhankhu ndi ulemu pa chifwa cha chikomwa cha nyifwa, viyo kuti mu wezi waku Chiuta wesiyepo nyifwa chifukwa cha munthu yose.