Tito 2:10 - Tonga Bible 1986

¹⁰ kuŵa ŵakuŵiringuwa cha, ŵalitolitoli cha, kweni ŵakurongo ukongorekwa wose wamampha; alinga kuti ŵadyoŵeske chirunguchizgu chaku Chiuta Mtaski widu mu vinthu vyose.

Tito 2:10 ပူးပေါင်းရင်းမြစ်များ

Sumu 101:6

Ndizomerezganenge nawo wo mbakugomezgeka kwaku Chiuta, ndipo ŵakajanga mu nyumba yangu ya ufumu; wo ŵatenda mu nthowa yakurunjika ndiwo ŵakazomerezgekanga kunditeŵete.

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Mateyu 24:45

“Na, ndiyani muŵanda wamagomekezgeka yo ndi wakuwamo, asi ndimweniyo mbuyake wamuŵika pa ŵamunyumba yake kwachiŵapaska chaukurgha pa nyengo yake?

Mateyu 5:16

Viyo ŵaliskani ukweru winu paurongo pa ŵanthu, mwakuti ŵawone nchitu zinu zamampha, ndi ŵakankhuske Auskemwe ŵakuchanya.

Luka 1:47

ndi mzimu wangu wakondwere mwaku Chiuta mtaski wangu.

Luka 1:80

Ndipo ko kana kakuwanga, ndi kadimbanga mu mzimu; ndipo kaŵanga mu mabozwa mpaka zuŵa la chirongoleka chake kwaku Yisraele.

Luka 16:10

“Yo ngwamagomekezgeka mu chimana, ngwamagomekezgeka mu chikuru so: ndipo yo ngwambura urunji mu chimana, mu chikuru nacho ngwambura urunji.

Yohane 12:6

Wangukamba ichi pa chifukwa chakuphwere ŵakavu cha; kweni chifukwa wenga munkhungu, ndipo pakuŵa wakusunga chikwama, wajitoliyanga vyo vya ŵikikangamo.

1 ŴaKorinte 4:2

Panu so, kukhumbikwa mu ŵalindanyumba, kuti munthu wasanirike wamagomekezgeka.

ŴaEfeso 4:1

Viyo ine, ndamagoŵa mu Mbuya, ndikuŵeyereni kwenda kwakwenere mdanu wo mwadanikiya,

ŴaFilipi 1:27

Chenichi pe, mujijariye kwakwenere evangeli waku Kristu: alinga kuti, chingana nthuza kumuwonani, pamwenga chingana ndiŵe kunyake, ndivwenge vyapaku imwe, kuti mumiya mu mzimu umoza, ndi mtima umoza ŵakurwiya pamoza chivwanu chamu evangeli;

ŴaFilipi 4:8

Pakumariya, mwa ŵabali, vyo vyose vyakuneneska, vyo vyose vyavitumbiku, vyo vyose vyakurunjika, vyo vyose vikhovu, vyo vyose vyamanjika, vyo vyose vyamarumbika; asani kwe umampha, wakuti, ndipo asani kwe thamu lakuti, pimani ndi vyenivyo.

1 Timote 1:1

Kalata wakutuwa kwaku Paulo wakutumika waku Kristu Yesu, uli ndi langulu laku Chiuta Mtaski widu, ndi laku Kristu Yesu, Chigomekezgu chidu,

1 Timote 5:17

Ŵara wo ŵateruzga kaunthu ŵenereskeke thumbiku lakuwerezga, viŵi-viŵi wo ŵatakatakiya mu mazu ndi chisambizgu.

1 Timote 6:1

Wo wose mbaŵanda pasi pagoŵa ŵapimiye ŵambuyawo ŵaku ŵija nge mbakwenere thumbiku lose, alinga kuti lingatokoskeka cha zina laku Chiuta, ndichisambizgu cho.

1 Timote 6:3

Asani yumoza wasambizga chinyake, ndi wareka kuzomerezga mazu ghazirima, gho gha Ambuyafwe Yesu Kristu, ndichisambizgu cha uwopa Chiuta,

Tito 1:3

kweni pa nyengo zenecho wanguvumbuliya mazu ghake mu uthenga, weniwo ine ndingugomekezgeke nawo kwakuyana ndi langulu laku Chiuta Mtaski widu;

Tito 3:4

kweni penipo ungubulika ulemu ndi wanja-ŵanthu wa Mtaski widu Chiuta,

1 Petro 2:12

Muŵe ndi kajaridu kakutowa mu ŵaMitundu wo; alinga kuti, mwaku chenicho ŵangasuza paku imwe uli mbakuchita uheni, pakuthoŵa nchitu zinu zakutowa ŵakankhuske Chiuta mu zuŵa la kuza kwake.

1 Petro 3:16

pakuŵa ndi njuŵi yamampha; viyo kuti mwaku chenicho musuzgika ŵalengeskeke wo ŵaparamula kajaridu kinu kamampha ka mwaku Kristu.

2 Yohane 1:9

Yose yo wajumphapo ndi mgwambura kukaririya mu chisambizgu cho, chaku Kristu, walivi Chiuta: yo wajaririya muchisambizgu cho mweniyo we ndi Dada ndi Mwana viyo.

1 Samuele 22:14

Sono Ahimeleke wangwamuka karonga, “Ndiyani mukati mu ŵateŵeti ŵinu wose yo ngwamagomekezgeka nge ndi Davidi yo ndi mkosanu wa karonga, nduna ya liŵanja lo lisunga imwe, ndipo waulemu mu nyumba yinu?

1 Samuele 26:23

Ambuya awerezgiyepo pa munthu yose chifukwa cha umampha wake ndi chigomezgu chake; pakuti Ambuya angumpaskani mu janja langu zuŵa linu, ndipo kuti ndingukhumba kunyoroske janja langu pa wakupakika waAmbuya cha.