Sumu 97:3 - Tonga Bible 1986

³ Moto undajiya paurongo pawo, kocha ŵakupindikana ŵawo kwakuzunguliya.

Sumu 97:3 ပူးပေါင်းရင်းမြစ်များ

Sumu 18:8

Mungutuwa usi mu mphunu zake, ndipo moto wakupirizga ungutuwa mu mlomo wake; maka gha moto ghalilimanga kutuwa kwaku iyo.

Sumu 18:9

Wangukotamiska machanya, wanguza pasi; munkhorwe wenga pasi pa marundi ghake.

Sumu 50:3

Chiuta widu watuza, kuti waja chisisi cha, moto wakunyekeska we paurongo pake, wazingirizgika ndi lirondo la nthazi.

Ezekiele 1:4

Po ndingulereska, awonani, mphepo ya Kavuru-vuru yinguza kutuliya ku nkhonde, ndi bingu likuru, ndi ukweru wakulizunguliya, ndi moto walipukanga rutaruta, mukati mwa moto mwenga dangalira la mkuŵa.

Danyele 7:10

Msinji wa moto wendanga ndi ungutuwa paurongo pake; vikwi vikwi vingumteŵete ndi vikwi chumi vyakupendeka vikwi chumi vinguma paurongo pake; mphara yinguungana kweruzga; ndipo mabuku ghangujurika.

Habakuku 3:5

Paurongo pake panguka nthenda ya chideru, nthenda yo yamrondonga mvuli.

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Marangu 32:22

Pakuti moto wakozgeka ndi ukari wangu ndipo unyeka kufika pa ndimba ya muunda, ubwanganduwa charu chapasi ndi vya uzali wake, ndipo utocha viwanga vya mapiri.

Marangu 4:11

Mungundere pafupi ndi kuma musina mu phiri, ndipo phiri lingukole moto kufika pakati-kati pa mtambo, ndi mdima ndi mabingu ndi munkhorwe bi.

Marangu 4:36

Wangumuvwiskani mazu ghake kutuwa kuchanya mwakuti wamusambizgeni, ndipo pa charu chapasi wakukurongoni moto wake ukuru, ndipo munguvwa mazu ghake ghakuturiya mukati mu moto.

Marangu 5:4

Ambuya angukamba namwe pa maso mu phiri, mukati mu moto,

2 ŴaTesalonika 1:8

wachitayiya thayu pa ŵakuura-kuziŵa Chiuta, ndi ku ŵakureka-kuvwiya evangeli wa Ambuyafwe Yesu.

ŴaHebere 12:29

chifukwa nadi Chiuta widu ndi moto wakunyeka.

Chivumbuzi 11:5

Ndipo asani yumoza wakhumba kuŵapweteka, moto utuwa mu mlomo wawo, ndi kocha ŵamawongu ŵawo: ndipo asani yumoza waŵapweteka, wa viyo watenere wabayike.

Chivumbuzi 20:15

Ndipo asani munthu wengavi kusanirika kulembeka mu buku lo la umoyo, wangupong'eka mu nyanja ya moto.