Sumu 96:9 - Tonga Bible 1986

⁹ Sopani Ambuya mu utozi ndi urunji; charu chose chitentheme paurongo pawo.

Sumu 96:9 ပူးပေါင်းရင်းမြစ်များ

2 Mikoka 29:28

Wumba wose ungusopa, ndi ŵakumba ŵangumba; malipenga ghanguvwika; ivi vyose vingulutiriya mpaka penipo sembe yakocha yinguchitika.

2 Mikoka 29:29

Penipo sembe yingumara, karonga ndi wose wo ŵenga nayo pamoza ŵangukotama visku vyawo ndi ŵangusopa.

2 Mikoka 29:30

Hezekiya karonga, ndi mafumu ŵangulanguliya ŵaLevi kumba mathamiko ku Ambuya ndi mazu ghaku Davidi ndi ghaku Asafi muwona. Ŵangumba mathamiko ndi likondwa, ndipo ŵangusindama ndi ŵangusopa.

Ezra 7:27

Atumbikike Ambuya Chiuta wa ŵambuyafwe, yo wanguŵika chinthu cha viyo mu mtima wa karonga, kutozga nyumba yaku Chiuta mu Yerusalemu;

Sumu 110:3

Wanthu ŵako ŵakajiperekanga ndi mtima mu zuŵa lo urwani ndi ŵakupindikana ŵako. Nge ndi dungwi la kumatandakucha, ŵanyamata ŵako ŵakakuziyanga pa mitunthu yakupaturika.

Sumu 114:7

Tenthema, wa charu chapasi, pa kuza kwa Ambuya, pa maso paku Chiuta waku Yakobe,

Sumu 29:2

Paskani ku Ambuya unkhankhu wa zina lawo; gwadiyani Ambuya mu utozi ndi utuŵa.

Sumu 33:8

Chope Ambuya charu chose chapasi, wose ŵakuja mu charu ŵame ndi chitenthe paku iwo!

Sumu 76:11

Paskani Ambuya Chiuta winu cho mungupangana nayo; mose mwa mitundu yapafupi, paskani vya wanangwa kwaku iyo, kwakumweniyo ngwakwenere kopeka;

Sumu 76:7

Kweni ŵanthu ŵatopa imwe! Njani yo wangaziŵa kuma pa maso pinu asani mwatundiya?

Sumu 99:1

Ambuya ausa, ghatentheme makhamu! Aja ndeku pa maKerubi; charu chapasi chisukunike!

Ezekiele 7:20

Chitowero chawo chakujeduka ŵanguchitiya unkhankhu wa ŵaka, ndipo ŵanguchita vikozgu vyawo vya maunyakazi ndi vinthu vyawo vya maukazuzi, mu chifukwa cho ndikachichitanga kuŵa chinthu cha mwikhu kwaku iwo.

Danyele 11:45

Wakhomenge mahema ghake ghakuru pakati pa nyanja ndi phiri lakupaturika lakutowa; ndipuuli wafikenge ku umari wake, kwambura yumoza wakumovya.