Sumu 96:2 - Tonga Bible 1986

² Mbiyani Ambuya, ndipo ŵatumbikeni! Zuŵa ndi zuŵa kambani makani ghamampha kuti ŵatitaska!

Sumu 96:2 ပူးပေါင်းရင်းမြစ်များ

1 Mikoka 29:20

Viyo Davidi wanguti ku wumba wose, “Atumbikeni sono Ambuya Chiuta winu,” ndipo wumba wose wunguŵatumbika Ambuya, Chiuta wa auskeu, ndi ŵangukotama pasi mitu yawo, ndi ŵanguŵalambiya Ambuya, ndi kujikamiya pasi karonga.

Sumu 103:20

Rumbani Ambuya, mose mwa ŵangelo ŵawo, mwa vilimbi vyanthazi, mwakuvwiya marangu ghawo, mwa ŵakutegherezga kwaku vyo akamba!

Sumu 145:1

Ndikankhuskenge imwe, Chiuta wangu ndi karonga; nditumbikenge zina linu muyaya ndi muyaya.

Sumu 145:10

Nchitu zinu zose, Ambuya ziwongenge imwe, ndipo ŵatuŵa ŵinu ŵatumbikenge imwe!

Sumu 145:2

Ndiwongenge imwe zuŵa ndi zuŵa; ndimurumbeninga muyaya ndimuyaya.

Sumu 40:10

Chovyo cha utaski winu kuti ndachibisa mukati mwa mtima wangu cha, ndakamba gha kugomezgeka kwinu ndi chipozomosko chinu. Kuti ndabisa cha chifundu chinu ndi ukongorekwa winu ku unganu ukuru.

Sumu 71:15

Ndikambenge vya urunji winu, zuŵa lose nditaulenge vya chipozomoske chinu; inya, nanga vizitu kwakuruska kuwamo kwangu.

Yesaya 40:9

Kwere ku phiri litali, Zioni we, wakumemeza uthenga wamampha; soska mazu ghako ndi nthazi, Yerusalemu we, wakumemeza uthenga wamampha, uwukwezge, ungopanga cha, nena ku mizi ya ku Yuda, “Ehe Chiuta winu!”

Marko 16:15

Ndipo wanguŵanene, “Kaninga mu charu chose; ndipo memezani evangeli ku ulengi wose.

Machitidu gha Ŵakutumika 13:26

“Mwaŵanthu, mwa ŵabali, mwaŵana ŵa mphapu yaku Abrahamu, ndi ŵamwinu ŵakumopa Chiuta, kwaku ifwe ghatumika mazu gha utaski wenuwu.

ŴaEfeso 1:3

Watumbikike Chiuta yo ndi Wiske wa Mbuyafwe Yesu Kristu, mweniyo watitumbika ndi chitumbiku chose chamzimu mu vyakuchanya mwaku Kristu:

Chivumbuzi 5:13

Ndipo chilengeka chose cho che kuchanya, ndi panupasi, ndi kusi kwa charu, ndi mu nyanja, ndi vyose vya mwenimo, ndinguvivwa vyakuti, “Kwaku mweniyo waja pa chitengu-chaufumu cho, ndi ku Mwana-mberere, kuŵiye thumbiku, ndi rumbu, ndi unkhankhu, ndi mazaza ku muyaya muyaya!”