Sumu 9:13 - Tonga Bible 1986

¹³ Ndichitiyeni wezi, A Chiuta! A wonanimo ŵatindisuzgiya ŵakunditinkha, imwe mutindiyuskamo mu malikomo gha nyifwa,

Sumu 9:13 ပူးပေါင်းရင်းမြစ်များ

Chiyambo 4:10

Ndipo Ambuya anguti, “Nchine cho wachita? Mazu gha ndopa za mhurwa wako ghatindiliriya kutuwa ku nyata.

Chiyambo 4:9

Sono Ambuya anguti kwaku Kaini, “We pani Abelu mhurwa wako?” Iyo wanguti, “Kuti ndiziŵa cha; kumbi ndine msungi wa mhurwa wangu?”

1 ŴaKaronga 21:19

Ukanene kwaku iyo, ‘Viyo atiti Ambuya, “Kumbi wabaya ndi kuphanga so?” ’ Ndipo ukanene, kuti, ‘Viyo atiti Ambuya, “Mu malo mwenimo ŵagaru ŵanyanganga ndopa zaku Naboti, ndimu so ŵagaru ŵakanyanganga ndopa zako.” ’ ”

2 ŴaKaronga 9:26

‘Kwakuneneska mo la zana ndinguziwone ndopa zaku Naboti ndi ndopa za ŵana ŵake, atiti Ambuya; ndazamukukuwezge pa munda wenuwu?’ Viyo sono munyamuwe umupong'e pa malo gha munda uwu, kwakuyana ndi mazu gha Ambuya.”

2 Mikoka 24:22

Viyo karonga Yoashi kuti wangukumbuka cha ulemu wo Yehoyada wiske waku Zekariya wangumuchitiya, kweni wangubaya mwana wake, ndipo wachifwa, wanguti, “Ambuya achiwone ichi ndipo awezge nduzga!”

Nehemiya 9:32

“Viyo na Chiuta widu, mukuru ndi wakulimba ndi Chiuta wakofya, mweniyo wasunga phanganu ndi chifundu chikuru, maunonono ghose ghangawonekanga uli ngamana cha kwinu gho ghatiziya ifwe; ghaziya ŵakaronga ŵidu ŵanangwa ŵidu, ŵazukuru ŵidu, ŵamchimi ŵidu, auskefwe, ndi ŵanthu ŵinu wose, kwamba nyengo ya ŵakaronga ŵa Asiriya kufika msana wale.

Sumu 10:12

Sokani, Ambuya; Chiuta mwe, soskani janja linu; mungaruwa wakusuzgika.

Sumu 107:18

chakurgha chose chinguŵawukuzga, ndipo ŵangundere kufupi ku malikomo gha nyifwa.

Sumu 119:132

Ng'anamukiyani kwangu ndipo ndichitiyeni wezi, nge ndimo mutiŵachitiya ŵakwanja imwe.

Sumu 119:153

Lereskani pa suzgu yangu, ndi nditaskeni, chifukwa kuti ndajowo dangu linu cha.

Sumu 12:6

Mapanganu ghaku Chiuta ndi mapanganu ghakutowa, siliva wakwengeka mu ng'anjo pa charu, kwengeka kankhonde ndi kaŵi.

Sumu 13:3

Ghanaghanani ndipo mundamuke, Ambuya Chiuta wangu; ngweruskani maso ghangu, vinu ndingagona tulo twa nyifwa;

Sumu 142:6

Tegherezgani ku nkhuta yangu; chifukwa ndasiskikiya pasi. Nditaskeni ku ŵarwani ŵangu, wo mbanthazi kwa kuruska ine.

Sumu 25:19

Mbalinga ŵamawongo ŵangu ghanaghananipo, ndimo ŵatinditinkhiya ndi tinkhu la nkhaza.

Sumu 30:3

Ambuya imwe mwakwezga mzimu wangu kutuwa ku muunda, mwandisunga wamoyo kutuwa mukati mwakuwo ŵasikiya ku zenje.

Sumu 38:19

Wo mbarwani ŵangu kwambura kafukwa mbanthazi, ndipo mbanandi wo ŵatinditinkha kwawaka.

Sumu 51:1

Ndichitiyeni wezi A Chiuta, kwakuyana ndi chifundu chinu; uli mbunandi wa vya lisungu vinu sisitani mamphuru ghangu.

Sumu 56:13

Chifukwa imwe mwapozomoska mzimu wangu ku nyifwa, inya, marundi ghangu ku kuwa, alinga kuti ndendenge paurongo paku Chiuta mu ukweru wa umoyo.

Sumu 86:13

Pakuti chanju chinu nchikuru pakuine; mwanditaska kutuwa pasi pa muunda.

Yesaya 38:10

Ndingukamba, mukati mu kuŵala kwa mwezi kwa mazuŵa ghangu ndikarutanga: ndalangulikiya kuya ku malikmo gha Muunda mu virimika vyangu vyakujako.

Chitenje 1:11

Ŵanthu ŵake wose ŵatamantha ŵachipenja chiŵande; usambasi wawo ŵagula vyakurgha kuwerezgiyamo nthazi zawo. “Ambuya, lereskani ndi teskani, pakuti ndanyozeka.”

Chitenje 1:9

Unyakazi wake wenga mu vivwalo vyake, kuti wangughanaghanako gha phasulu lake cha; chifukwa cho kubwanganduka kwake nkhwakofya, walivi msangaruski. “Ambuya mwe, teskani suzgu yangu, pakuti murwani waphanda!”

Yohane 2:6

ŴaYuda ŵendi dangu la kusamba kwakulingana ndi chisopa chawo, chifukwa ichi kungujarikika kuwa misuku ya mya yinkhonde ndi umoza, yikuru yakuzaza maji ankhumba myesu yinayi umoza ndi umoza.