Sumu 85:6 - Tonga Bible 1986

⁶ Asi imwe muwerezgengepo kutisisipuska mwakuti khamu linu likondwere mwaku imwe?

Sumu 85:6 ပူးပေါင်းရင်းမြစ်များ

Sumu 138:7

Nanga ndipenipo ndazingirizgika ndi masuzgu, mutindisunga pakudekha; mususka, ŵarwani ŵangu ŵakari, ndikunditaska ndi nthazi yinu.

Sumu 149:2

Wakondwere, Yisraele mu Mlengi wake; ŵakondwe, ŵana ŵaku Zioni, mukaronga wawo!

Sumu 53:6

Okwe mphanyi utaski waku Yisraele watuliya mu Zioni! Penipo Chiuta wawezge mwaŵi ŵanthu ŵake, Yakobe wangarenge ndipo Yisraele wakondwenge.

Sumu 71:20

Imwe mwanditumiya suzgu ndi vyakupweteka, kweni mukandisisipuskanga so; kutuwa ku ndimba za charu chapasi; imwe mukandisoskiyanga so pachanya.

Sumu 74:1

A Chiuta, mwatijowoliyanji viyo muyaya? Kasunkhiyanji kandundu kinu pa mberere za uliska winu?

Sumu 77:8

Kumbi chifundu chawo chamariya limu paku ine; kumbi mapanganu ghawo nagho asi ghamariya limu?

Sumu 80:18

Kwinu kuti tikatuwangako so cha; tisisipuskeni, ndipo tikatumbikanga imwe.

Sumu 90:14

Mlenji ndi mlenji mutigutiske chanju chinu chakufikapo, mwakuti tisekerenge ndi kukondwa mu mazuŵa ghidu ghose.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Yeremiya 3:5

kumbi wakakalipanga muyaya? Kumbi wakakaranga mpaka ku umari?’ Ehe, imwe mwakamba kweni mwachita uheni wose weniwo munguziŵa kuchita.”

Yeremiya 33:11

mazu gha kuseka ndi mazu gha chimwemwe, mazu gha mweneko wa nthengwa ndi mazu gha mwali wa nthengwa, mazu ghaku wo ŵatumba, penipo ŵatuza ndi mipasku yakuwonge ku nyumba ya Ambuya: ‘Paskani viwongo ku Ambuya ŵa maŵanja, chifukwa mbamampha Ambuya, pakuti ncha muyaya chifundu chawo!’ “Pakuti ndikawezgiyangamo ŵamikoli ŵa charu cho, uli mpha kudanga, atiti Ambuya.

Hoseya 6:2

Pavuli pa mazuŵa ghaŵi atizizimuskenge; pa zuŵa la chitatu atiyuskenge, mwakuti tije ŵamoyo pa maso pa wo.

Habakuku 3:2

Ambuya, ndavwa mbiri yinu, ndipo mlimu winu, Ambuya nthopa nade. Yuskani mlimu winu mukati mu virimika; mukati mu virimika uziŵikwe; mu ukari kumbukani lisungu.