Sumu 81:3 - Tonga Bible 1986

³ Mbani mbata pa nyengo ya dghera; pa zuŵa la mwezi ufya, ndi pa baraŵara.

Sumu 81:3 ပူးပေါင်းရင်းမြစ်များ

2 ŴaKaronga 4:23

Ndipo iyo wanguti, “Chifukwa nchine chakurutiya kwake msana wale? Kuti mphaliŵali pamwenga pa sabata cha.” Iyo wanguti, “Kukaŵanga kwamampha.”

1 Mikoka 15:16

Davidi wangulanguliya ŵarongozgi ŵa ŵaLevi kumika ŵabali ŵawo nge mbakumba wo ŵatenere kumba ukongwa ndi vyakumbiya, ŵazeze, ŵabangwi, ndi vimbumbuli kukwezge mazu gha chimwemwe.

1 Mikoka 15:19

Ŵakumba, Hemani, Asafi ndi Etani,

1 Mikoka 15:24

Shebaniya, Yoshafati, Netanele, Amasai, Zekariya, Benai, ndi Eliezere, ŵazukuru ŵatenere kumba mbata paurongo pa bokosi laku Chiuta. Obededomu, ndi Yehiya nawo so ŵenga ŵalinda likomo ku bokosi.

1 Mikoka 16:42

Hemani ndi Yedutuni ŵenga ndi malipenga ndi vidingindi vyakumbiya sumu ndi visulo vinyake vyakumbiya sumu zakupaturika, Ŵana ŵaku Yedutuni ŵangusankhikiya kuŵa ŵalinda ŵa likomo.

1 Mikoka 16:6

ndi Benai ndi Yahaziele ŵazukuru ŵenga ŵakumba malipenga rutaruta, paurongo pa bokosi la phanganu laku Chiuta.

1 Mikoka 25:1

Davidi ndi nduna za mlimu ŵangupatuliya so ku mlimu ŵana ŵanyake ŵaku Asafi, ndi ŵaku Henani, ndi waku Yedutuni, kuti ŵachimenge mukumba ŵabangwe, ŵazeze, ndi ŵafyolilo. Mundondomeko waku wo ŵanguchita nchitu ndi milimu yawo ndi uwu:

2 Mikoka 13:12

Wonani Chiuta wendi ifwe, ndiyo chirongozi widu, ndi ŵazukuru ŵake ndi mbata zakumba tichirwa nkhondo ndi imwe. Imwe mwa ŵana ŵaku Yisraele rekani kurwana ndi Ambuya Chiuta wa ambuyamwe; chifukwa mwanduwengepo kanthu cha.”

2 Mikoka 13:14

Ndipo Yuda pakulereska kuvuli, alereni nkhondo yenga kunthazi ndi kuvuli, ŵanguliriya Ambuya ndipo ŵazukuru ŵangumba mbata.

2 Mikoka 2:4

Awonani sono nde pafupi kuzenge zina la Ambuya Chiuta wangu nyumba ndi kuyipaturiya kwaku Iyo kochiyamo vyakununkhira, vyachema chamampha paurongo pake, ndiso hakuperekiyamo ruturuta mpasku wa chiŵande-chakulongo, ndi yakuperekiyamo sembe zakocha ndi mlenji ndiso ndi mazulo, pa masabata ndi pa kuŵalika kwa mwezi, ndi madghera ghakunozgeka gha Ambuya Chiuta widu, nge ndimo ghakumikikiya Yisraele muyaya.

2 Mikoka 5:12

ndipo wose ŵaLevi ŵakumba, Asafi, Hemani, ndi Yedutuni ŵana ŵawo ŵanthurumi ndi ŵana ŵanyawo ŵanguvwara saru za bafuta, ŵenga ndi ŵabangwe, ndi ŵazeze ndi ŵafyoliro, ŵanguma ku vuma kwa jochero pamoza ndi ŵazukuru machumi pe chumi pachanya machumi ghaŵi ŵakumba mbata.

2 Mikoka 8:13

nge ndimo mlimu wa zuŵa ndi zuŵa weneriyanga, pakupereka mipasku kwakulingana ndi dangu laku Mosese pa masabata ndi pa myezi yifya ndi pa madghera ghakutemeka ghatatu mu chirimika, dghera la chiŵande chambura mtupu, dghera la sabata, ndi dghera la misasa.

Sumu 149:3

Ŵarumbe zina lawo ndi kuvina; kuŵarumba pakumba ng'oma ndi bangwe.

Sumu 33:2

Tumbikani Ambuya ndi kaligu, ŵakoŵeriyeni ndi bangwi wa malisinga chumi!

Sumu 98:6

Vibeteti ndi mazu gha mbata, kamburiyani apurongo pa Ambuya, Karongo!

Chitenje 2:6

Abwanganduliya pasi msasa wakenge ngwa mu munda, abwanganduwa malo gha madghera gha kutemeka; Ambuya akanizga madghera ghakutemeka ndi sabata mu Zioni, ndipo mu kukara kwawo kwakofya ayuyuwa karonga ndi mzukuru.

Nahumu 1:15

Wona, pa mapiri marundi ghaku yo watuza ndi uthenga wamampha, yo wawandiska chimangu! Sunga madghera ghako, Yuda, fiska marapu ghako, chifukwa wazenge so cha muheni kumikana nawe, wamalizgike teteti.

Maŵerengedu 15:3

ndipo mupereka ng'ombe pamwenga mberere kuŵa mpasku wapa moto pamwenga mpasku wakocha pamwenga sembe ku Ambuya, kufiska rapu pamwenga nge ndi mpasku wa wanangwa, pamwenga sembe ya panyengu zakutemeka za madghera, kuŵachitiya Ambuya fungu lamampha,

Maŵerengedu 28:11

“Pakwamba kwa myezi, mukaperekanga mipasku yinu yakocha ku Ambuya: nkhuzi ziŵi zimana zimana, bira yumoza, ŵana ŵamberere ŵankhonde ndi ŵaŵi ŵa chirimika chimoza wambura kalema;

Marangu 16:15

Mu mazuŵa ghankhonde ndi ghaŵi mukarghanga dghera la Ambuya Chiuta winu pa malo gho Ambuya akasankhanga, pakuti Ambuya Chiuta winu wakamutumbikaninga mu vispasi vinu vyose ndi mu nchitu yose ya manja ghinu, mwakuti mose mukakondwiyanga pamoza.

ŴaKolose 2:16

Viyo wareke munthu kumweruzgiyani kuchiri ku kurgha, pamwenga kukumwa, pamwenga ku dghera, pamwenga ku mwezi ufya, pamwenga ku masabata.