Sumu 74:7 - Tonga Bible 1986

⁷ Nyumba yinu yakupaturika akocha ndi moto, ŵakukazuzga malo ghakujamo zina linu ndi pasi viyo.

Sumu 74:7 ပူးပေါင်းရင်းမြစ်များ

1 ŴaKaronga 8:20

Sono Ambuya afiska phanganu lawo lo anguchita, chifukwa ine ndayuka mu malo ghaku Davidi ada, ndipo ndija pa chitengo chaku Yisraele, ulaka ndimo Ambuya angupangirana, ndipo ndalizenge nyumba zina la Ambuya, Chiuta waku Yisraele.

2 ŴaKaronga 25:9

Ndipo wangocha nyumba ya Ambuya ndi nyumba ya karonga ndi nyumba zose zamu Yerusalemu, nyumba yose yikuru wangoche pasi.

2 Mikoka 36:19

Wangocha nyumba yaku Chiuta, ndipo wangubwanganduwa linga lose la Yerusalemu, wangocha zinyumba za ŵakaronga ŵake ndi vyose, wangumbininiska viyaŵi vyose vyamtengo wapatali.

Sumu 89:39

Mwazimwa phanganu ndi mteweti winu, chifuku chake mwataya mu fuvu.

Chituwa 20:24

Mukandizengiyanga ine jochero lakusopiyapo la dongo ndipo muperekenge paku lo mpasku winu wakocha ndi mpasku winu wa chimangu, mberere zinu ndi ng'ombe zinu; mu malo ghose mo ndikachitiskanga chikumbusku cha zina langu ndikazanga kwinu ndi kukutumbikani.

Yesaya 64:11

Nyumba yidu yakupaturika ndi yakunozga, mwenimo auskefwe wangurumba imwe, yafya ndi moto, malo ghidu ghose ghakukondweska ghasanduka mapopa.

Yeremiya 52:13

Ndipo wangocha nyumba ya Ambuya, ndi nyumba ya karonga, ndi nyumba zose zamu Yerusalemu; nyumba yose yikuru wangocha.

Chitenje 2:2

Ambuya abwanganduwa kwambura lisungu mizi yose yaku Yakobe; mu ukari wawo abwanganduliya pasi malinga gha misumba, yaku Yuda; asiskiya pasi mu muyuyu ufumu ndi weruzgi wake.

Chitenje 2:6

Abwanganduliya pasi msasa wakenge ngwa mu munda, abwanganduwa malo gha madghera gha kutemeka; Ambuya akanizga madghera ghakutemeka ndi sabata mu Zioni, ndipo mu kukara kwawo kwakofya ayuyuwa karonga ndi mzukuru.

Ezekiele 24:21

‘Kamba ku nyumba yaku Yisraele, Viyo atiti Ambuya Chiuta: Ehe, ndikafipiskanga malo ghangu ghakupaturika, kujikuzga kwa mazaza ghamu, likondwa la maso ghinu, ndi linweka la mzimu winu; ndipo ŵana ŵinu ŵanthurumi ndi ŵanthukazi wo mwaŵasiya kuvuli ŵakabayikanga ndi lipanga.

Ezekiele 7:24

nditonge mitundu yiheni kwakuruska kuti ŵazipoke zinyumba zawo; ndikamariskanga kujikuzga kwawo kwanthazi, ndipo malo ghawo ghatuŵa ghakakazuzgikanga.

ŴaLevi 26:31

Nkhawiskanga misumba yinu, ndi malo ghinu ghakupaturika, ndipo kuti nkharondanga vyakupereka vinu vyafungu lakundikondweska cha.

Mateyu 22:7

Karonga wangukalipa; ndipo wati watuma nkhondu zake, wangwananga ŵambandaŵa, ndipo wangocha muzi wawo.

Marangu 12:5

Kweni mukapenjanga malo ghenigho Ambuya Chiuta winu wakasankhanga mukati mu mafuku ghinu kuŵikamo zina lake ndi kuŵa malo ghake ghakujamo;