Sumu 74:13 - Tonga Bible 1986

¹³ Ndi nthazi yinu yikuru mungugaŵa nyanja, munguphwanya mitu ya vinyama vya mu nyanja.

Sumu 74:13 ပူးပေါင်းရင်းမြစ်များ

Nehemiya 9:11

Ndipo mungugauwa nyanja pakati paurongo pawo, viyo kuti ŵangwenda kuporota mukati mu nyanja pa mtunda uyumu; ndipo mungupong'a ŵakuŵalondo mu zindimba, uli ndi mwa mu maji gha nthazi.

Sumu 66:6

Wakusanduska nyanja mtunda uyumu; ambuyafwe angwambuka msinji pasi. Kwenukuwa tingwangara pa chifukwa chaku cho chinguchitika;

Sumu 78:13

Wangupatuwa nyanja wanguŵambuska, wanguchitiska maji kuti ghame nge nchiliŵa.

Chituwa 14:21

Sono Mosese wangutambaruliya janja lake pa nyanja; ndipo Ambuya angudikiskiya vuli nyanja ndi mphepo ya nthazi yaku vuma usiku wose, ndipo nyanja anguyisanduska mtunda uyumu ndipo maji ghangugawukana.

Chituwa 14:28

Maji ghanguwe ndi ghangukuka magareta gho ndi ŵankhondo ŵapa ŵakavalo ndi liŵanja la nkhondo lose laku Farao lo linguŵarondo mu nyanja, kuti kungujapo nanga njumoza waku wo cha.

Ezekiele 29:3

kamba, unene kuti, viyo atiti Ambuya Chiuta: Awona, ndimikana nawe, Farao karonga wa Egipiti, nchalinda mukuru yo wagona mukati mu misinji yake, yo watiti, ‘Nile wangu, ngwakundamweni; ndikumulenga ndine.’

Ezekiele 32:2

“Wa mwana wa munthu, soske chitenje paku Farao karonga wa Egipiti, umunene kuti: ‘Utijighanaghana kuŵa nkharamu mukati mu mitundu, kweni ulingana ŵaka nge ndi nchalinda wamu zinyanja; ubabanyuka mu misinji yako, kuvunduwa maji ndi marundi ghako, ndi kutimbuliya misinji yawo.