Sumu 72:9 - Tonga Bible 1986

⁹ Ŵanthu ŵamu bozwa ŵangwadenge paurongo pake; ŵarwani ŵake ŵagonenge mu fuvu.

Sumu 72:9 ပူးပေါင်းရင်းမြစ်များ

Chiyambo 3:14

Ambuya Chiuta wanguti ku njoka: “Chifukwa wachita ichi, ndiwe wakutembeka kuruska vyakuŵeta vyose, ndi nyama zose zamu dondo; pamoyo pako ndipo wendiyenge, ndipo ukarghanga fuvu mazuŵa ghose gha umoyo wako.

1 ŴaKaronga 9:18

Ndi Balati, ndi Tamari mu bozwa, mu charu chaku Yuda.

Sumu 110:1

Ambuya angunene ambuyangu, “Uje ku janja langu la kurghiya, mpaka po ndaŵika ŵamawongo ŵako kusi ku marwayo ghako.”

Sumu 110:6

Akaperekanga cheruzgu pa mitundu ndi kuzaza malo gha nkhondo ndi viŵanda; athereskenge ŵakaronga pa charu chose chapasi.

Sumu 2:9

Uŵausenge ndindodo ya chisulo, ndi kuŵaphwanya tumana tumana nge nchiŵiya cha muwumbi.”

Sumu 22:29

Inya, kwaku iyo ŵakotamiyenge pasi wose ŵakujikuzga ŵa charu chapasi; wagwadenge paurongo pake wakusikiya ku fuvu, ndi mweniyo wangatondeka kujisunga wamoyo iyo mweneko.

Yesaya 49:23

Ŵakaronga ŵakaŵanga ausu ŵakukovya, mafumukazi ghawo ghakaŵanga anyoko ŵakukulera. Ŵakajikamiyanga iwe, visku vyawo nkholi pasi ndi kunyanga fuvu la marundi ghako. Sono ndipo ukaziŵanga kuti ndine Ambuya; wo wose ŵalindizga ine kuti ŵakalengeskekanga cha.”

Mika 7:17

ŵakanyanganga fuvu nge ndi njoka, ndi nge ndi vinthu vyakukwaŵa vyamu charu; ŵakatuwanga ndi chitenthe mu malinga ghawo, ŵakawerenga ndi mantha ku Ambuya Chiuta widu, ndipo ŵakawopanga chifukwa chaku imwe.

Luka 19:27

Ndipo so ŵakupindikana nane yaŵa, wo ŵengavi kukhumba ine kuŵaŵusa ŵatoleni kuno, ndi ŵabayiyeni paurongo pangu.’ ”