Sumu 72:6 - Tonga Bible 1986

⁶ Karonga waŵe ulaka nge ndimo vuwa yitung'iya pa minda, nge ndimo vuwa yiwazgiya pa charu.

Sumu 72:6 ပူးပေါင်းရင်းမြစ်များ

2 Samuele 23:4

aŵaliya paku wo nge nkhucha kwa mlenji, nge nkhuŵala kwa dazi mu mlenji wambura mitambo, nge ndi vuwa yakutuzga chipozwa pasi.

Sumu 65:10

Mutuma vuwa yinandi pa minda yakulimika ndipo mutiyizumbwiska ndi maji; mutoloŵeska nyata ndi manthonera alinga kuti chipozwa chikuwenge.

Nthanthi 16:15

Mu ukweru wachisku cha karonga mwe umoyo, ndipo mwaŵi wake we uli ndi mitambo yo tituza ndi vuwa yakudanga.

Nthanthi 19:12

Ukari wa karonga we uli nkhukoroma kwakamanakamana kwa nkharamu, kweni lisungu lake le uli ndi dungwi pa uteka.

Yesaya 5:6

Ndikauchitanga mapopa, kuti ŵakaupanthiyanga chingana nkhuulima cha, kankhande ndi minga vikamengamo; ndikalanguliyanga mitambo kuti yireke kung'iyapo vuwa paku wo.

Hoseya 6:3

Tiyeni tiziŵe, ndi tifwiririyepo kuziŵa Ambuya; kuruta kwawo nkhwambura kukayika nge nkhumatandakucha; azenge kwaku ifwe nge ndi vuwa, nge ndi vuwa yakudanga yo yizumbwiska charu.”

Mika 5:6

Iwo ŵakausanga charu cha Asiriya ndi lipanga ndi charu chaku Nimirodi ndi lipanga lakukhwetuwa; ndipo ŵakatitaskanga ku ŵaAsiriya po ŵatuza mu charu chidu ndi kukanda mu mphaka zidu.

Marangu 32:2

Mphanyi kusambizga kwangu kungunthona uli ndi vuwa, fundu yangu mphanyi yingusongonoka uli ndi dungwi; uli ndi vuwa ya wenguwengu pa uteka wakutefwatefwa, ndipo uli nkumeme pa vyakume.