Sumu 72:16 - Tonga Bible 1986

¹⁶ Mu charu muŵe kurgha kwakuzara; mithunthu yiburumutizgike ndi vipasi, vyandane nge ndimo viliri ku Lebanoni; misumba nayo yizaze ndi ŵanthu, nge ndimo uteka uliri mu dondo.

Sumu 72:16 ပူးပေါင်းရင်းမြစ်များ

1 ŴaKaronga 4:20

Yuda ndi Yisraele unandi wawo wenga nge ndi mchenga wakulikumba la nyanja, ŵarghanga ndi kumwa ndipo ŵenga ŵakukondwa.

Jobu 5:25

Ukaziŵanga so kuti mphapu yako yikandananga, ŵana ŵako nge mbuteka wapa charu.

Jobu 8:7

Ndipo chingana chandiro chako chenga chimana, kweni umari wako ukaŵanga ukuru.

Sumu 104:16

Milanji yaku Lebanoni yironde vuwa yinandi, miti ya Ambuya, yo iwo angupanda.

Sumu 72:6

Karonga waŵe ulaka nge ndimo vuwa yitung'iya pa minda, nge ndimo vuwa yiwazgiya pa charu.

Yesaya 29:17

Asi kwaja kanyengo kamanavi waka ko Lebanoni wakasanduskikanga kuŵa, munda wakupasa, ndipo munda wakupasa ndiwo ukadanikanga lisuwa?

Yesaya 30:23

Ndipo akapaskanga vuwa pa mbutu yo mumija pa nyata, ndi vyakurgha, vyakume mu nyata, vyo vikaŵanga vyakunozga ndi vyakuzara. Mu zuŵa liya viŵetu vinu vikarghanga mu vipozwa vikuru;

Yesaya 32:15

mpaka penipo Mzimu wakutuliya kuchanya wadika paku ifwe, ndi bozwa lisanduka munda wakupasa, ndi munda wakupasa uneneka kuti ndi lisuwa.

Yesaya 32:20

Mwa ŵakukondwa ndimwe mwa ŵakuseŵa pafupu ndi maji, imwe muzomerezga ng'ombe ndi mbunda vyendengemo kwawanangwa.

Yesaya 35:2

likachitanga maluŵa ghakupasiya; uli ndi hanyezi likachitanga maluŵa ghanandi. Kusangaruka ndi likondwa ndi kumba, unkhankhu wa Lebanoni ukapaskikanga kwaku lo, kuziza kwa Karmele ndi Sharoni. Ŵakawonanga unkhankhu wa Ambuya, kuziza kwaku Chiuta widu.

Yeremiya 33:22

Nge ndimo liŵanja la kuchanya kuti lingaŵerengeka cha, ndi muchenga wapa likumba kuti ungapimika cha, viyo ndimu ndikandaniskiyanga mphapu yaku Davidi mteŵeti wangu, ndi ŵazukuru ŵaLevi ŵeniwo ŵatinditataliya.”

Machitidu gha Ŵakutumika 1:15

Ndipo mu mazuŵa ghenagha wangusoka Petro mukati mu ŵabali wo, ndipo wanguti (unandi nawo wa ŵanthu pamoza wenga akhumba machumi pe chumi ndi machumi ghaŵi),

Machitidu gha Ŵakutumika 2:41

Viyo ŵeniwo ŵanguronde mazu ghake ŵangubatizika, ndipo kungukuskikiyako kwaku wo mu zuŵa liya mizimu ankhumba vikwi vitatu (3,000).

Machitidu gha Ŵakutumika 4:4

Kweni ŵanandi ŵaku wo ŵangughavwa mazu ŵanguvwana; ndipo unandi wa ŵanthurumi ungufika akhumba vikwi vinkhonde (5,000).

Chivumbuzi 7:14

Ndingunena nayo, “Fumu, muziŵa ndimwe.” Ndipo wangunena nane, “Yaŵa mbeniwo ŵatuwa mu suzgu yikuru yo, ndipo ŵasuka makhanju ghawo ndi ŵaghatuŵiska mu ndopa za Mwana-mberere yo.

Chivumbuzi 7:9

Pavuli paku ivi ndingulereska, ndipo, onani, mzinda ukuru, weniwo pengavi munthu wanguziŵa kuŵerenga ŵakutuwa, mu mtundu we wose, ndi mu mafuku, ndi makamu, ndi marongoroledu, ŵamanga paurongo pa chitengu chaufumu cho, ndi paurongo pa Mwana-mberere yo, ŵakuvwara makhanju ghatuŵa, ndi ŵakukoreze ŵakanchindu mu manja ghawo,