Sumu 71:22 - Tonga Bible 1986

²² Ine nane ndikarumbanga imwe ndi bangwi, ndithokozenge kugomezgeka kwinu, mwa Chiuta wangu; ndimbiyenge marumbu kwaku imwe ndi kaligu, A Chiuta Mtuŵa Yumoza waku Yisraele.

Sumu 71:22 ပူးပေါင်းရင်းမြစ်များ

2 ŴaKaronga 19:22

“Njani yo wanyoza ndi kutukana? Mphakuyani po wakwezge mazu ghako ndi kujitukumuwa wasoska maso ghake? Kumikana ndi Yumoza yo waku Yisraele!

Sumu 138:2

Ndikotamiya pasi kurazga ku kasopi winu wakupaturika ndi kurumba zina linu, chifukwa cha chifundu chinu ndi ukongorekwa winu, pakuti mwarongo kuti imwe ndi malangulu ghinu mwe apachanya ukongwa.

Sumu 144:9

Ndimbiyenge imwe sumu yifwa, A Chiuta; ndimbiyenge imwe pa bangwi wa malisinga chumi, ndimbiyenge imwe sumu yifwa, A Chiuta;

Sumu 25:10

Nthowa zose za Ambuya nchifundu ndi ukongorekwa, kwaku wose wo ŵasunga phanganu lawo ndi visimisimi vyawo.

Sumu 33:2

Tumbikani Ambuya ndi kaligu, ŵakoŵeriyeni ndi bangwi wa malisinga chumi!

Sumu 43:4

Penipo ndipo ndikarutanga ku jochero laku Chiuta, kwaku Chiuta chimwemwe changu chakuruska; ndipo ndikatumbikanga imwe ndi bangwe, A Chiuta, Chiuta wangu.

Sumu 56:4

Mwaku Chiuta, mweniyo ndirumba mazu ghake, mwaku Chiuta ndigomekezga kwambura kopa. Wangachitanji nane munthu?

Sumu 78:41

Kaŵikaŵi ŵangumwesa Chiuta, ndi kumukwiyiska Mtuŵa Yumoza, waku Yisraele.

Sumu 89:1

Ndimbiyenge vya chanju chinu chakufikapo muyaya, Ambuya mwe; ndi mlomo wangu nditaulenge ukongorekwa winu ku migonezi yose.

Sumu 89:18

chifukwa mukusankha wakutivikiriya; imwe Mtuŵa Yumoza waku Yisraele, mukutipaska karonga widu.

Sumu 98:3

Akumbuka chanju chawo chakufikapo ndi ukongorekwa wawo ku nyumba yaku Yisraele. Ŵanthu wose kose kose mu charu chapasi ŵawona utaksi waku Chiuta.

Sumu 98:4

Kamburiyani Ambuya mwa ŵacharu chose chapasi; giyani mu sumu za chimwemwe ndi kumba marumbu!

Sumu 98:5

Mbaninga marumbu ku Ambuya ndi kaligu, kaligu ndi mazu gha nkhoŵera!

Yesaya 12:6

Bongoni, ndipo mbani ndi chimwemwe, mwa ŵakuja mu Zioni, pakuti mukuru mukati mwinu ndi Mtuŵa Yo waku Yisraele.”

Yesaya 43:3

Pakuti ndine Ambuya Chiuta winu, Mtuŵa Yumoza waku Yisraele, Mtaski winu. Ndipereka Egipiti nge ndi thumba linu, Etiopia ndi Seba mukugulizgana ndi imwe.

Yesaya 5:16

Kweni Ambuya ŵa maŵanja ŵakuzgika mu cheruzgu chirunji, ndipo Chiuta wakupaturika watijirongo wakupaturika mu urunji.

Yesaya 5:19

Ŵeniwo ŵatiti, “Murekeni watinthimike, murekeni wakankhamiske nchitu yake alinga kuti tiyiwone; yirekeni fundu ya Wakupaturika Yo waku Yisraele yindere pafupi, ndipo yirekeni yize, alinga kuti tiyiziŵe!”

Yesaya 5:24

Viyo mo lilime la moto litoche mbuwa, mo uteka wakumira utakamiya mu mlipu, mdimu musisi wawo ukavundiyanga, ndi maluŵa ghawo ghakwere kuchanya uli ndi fuvu; pakuti ŵakana dangu la Ambuya ŵa maŵanja, ŵayuyuwa mazu gha Mtuŵa Yo waku Yisraele.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Yesaya 60:9

Pakuti vyaru vyamu malikumba vikandilindizganga, ngaraŵa zaku Tarshishi ndizo zikadanganga, kuza ndi ŵana ŵako ŵanthurumi kutuwa kutali, ŵakupinga siliva ndi golide wawo pamoza nawo, kupingiya zina la Ambuya Chiuta winu, ndi chifukwa cha Mtuŵa Yumoza waku Yisraele, chifukwa wamukankhuskani imwe.

Mika 7:20

Mukalongonga chigomekezgu kwaku Yakobe ndi chanju chakufikapo kwaku Abrahamu, nge ndimo mungulapiya ku auskefwe mu mazuŵa gha kali.

ŴaRoma 15:8

Chifukwa ndititi, Kristu wachitika mteŵeti wa mchinju chifukwa cha uneneska waku Chiuta, kuti wakhozge mapanganu ghakupaskika ku ŵambuyafwe,