Sumu 71:19 - Tonga Bible 1986

¹⁹ Urunji winu, Chiuta ufika ku mitambo. Vyo mwachita, mwachita vikuru ukongwa; kulivi nanga njumoza wakuyana namwe!

Sumu 71:19 ပူးပေါင်းရင်းမြစ်များ

Jobu 5:9

Mweniyo wachita vinthu vikuru, ndi vyambura kulondoreka, vinthu vyakuziziswa vyambura kuŵerengeka.

Sumu 139:6

Kuziŵa kwinu paku ine nkhwakuziziswa; nkhwa pachanya ukongwa kuti ndingawamo cha.

Sumu 35:10

Viwanga vyangu vyose vikatinge, “A! Ambuya, njani wakuyana ndi imwe, ndimwe mutaska wambura nthazi kwaku yo ngwanthazi zakuruska iyo, wakutomboroka ndi msauchi kwaku mweniyo watimuskoŵa?”

Sumu 36:7

A! Naku nkhuzirwa kwa chifundu chinu, A Chiuta! Ŵana ŵaŵanthu ŵadingang'a mu chiduzi cha mapapiku ghinu.

Sumu 57:10

Chifukwa nchikuru mpaka ku machanya chifundu chinu, kugomekezgeka kwinu kufika mpaka ku mitambo.

Sumu 72:18

Atumbikike Ambuya, Chiuta waku Yisraele, yo yija wachita vyakuziziswa.

Sumu 86:8

Kulivi Chiuta nge ndimwe Ambuya mu ŵachiuta nanga njumoza kulivi yo wangaziŵa kuchita vyo imwe muchita.

Chituwa 15:11

“Njani yo we nge ndimwe, Ambuya mwe, mukati mu ŵachiuta? Njani yo we nge ndimwe, wakutumphulika mu utuŵa, wakofya pakuchita unkhankhu, wakuchita vyakuziziswa?

Nthanthi 15:24

Gurwi wa ŵazeru warongozge kuchanya ku umoyo, alinga wapambane ndi muunda wa pasi,

Nthanthi 24:7

Zeru yitumuŵiya yizitu mubereŵeza; mu likomo kuti wajura mlomo wake cha.

Yesaya 40:18

Na nkhwakuyani ko mumuyaniskenge Chiuta, pamwenga nchikozgu nichi chakumuyaniskiyapo?

Yesaya 40:25

Na sono mundiyaniskenge ndi yani, kuti ndikozgani nayo? watiti Mtuŵa Yumoza yo.

Yesaya 5:16

Kweni Ambuya ŵa maŵanja ŵakuzgika mu cheruzgu chirunji, ndipo Chiuta wakupaturika watijirongo wakupaturika mu urunji.

Yesaya 55:9

Pakuti mo machanya ghaliri pachanya ndi charu chapasi, viyo ndimu ziliti nthowa zangu pachanya kuruska nthowa zinu ndi maghanaghanu ghangu kuruska maghanaghanu ghinu.

Yeremiya 10:7

Njani yo wangareka kumopani imwe, mwa Karonga ŵa mitundu? Pakuti mwe ŵakwenere kopeka; mukati mu ŵazeru wose ŵa mitundu ya ŵanthu ndi mu maufumu ghawo ghose mulivi wakuyana ndi imwe.

Luka 1:49

Pakuti Wanthazi yo wandichitiya vikuru; ndi ndakupaturika zina lake.

Marangu 3:24

‘Ambuya Chiuta, mwamba kurongonda mteŵeti winu ukuru winu ndi janja linu la nthazi, chifukwa kungaŵa chiuta munyake yani kuchanya pamwenga mu charu chapasi, yo wangaziŵa kuchita kwakulingana ndi mlimu winu, ndi kwakulingana ndi nthazi zinu?