Sumu 71:1 - Tonga Bible 1986

¹ Mwaku imwe, Ambuya, A ndidingang'a; ndireke kukhozgeka soni!

Sumu 71:1 ပူးပေါင်းရင်းမြစ်များ

2 ŴaKaronga 18:5

Ŵangugomekezga mu Ambuya Chiuta waku Yisraele, viyo kuti pengavi yumoza wakuyana ndi iyo mu ŵakaronga ŵaku Yuda ŵapavuli pake, chingana ndi mukati mwaku wo ŵengapo paurongo pake.

1 Mikoka 5:20

ndipo pa kovyeka kurwana nawo, ŵaHagiri, ndi wose ŵa pamoza nawo ŵanguperekeka mu manja ghawo, pakuti wanguliriya kwaku Chiuta mu nkhondo, ndipo pa chifukwa chakugomekezga mwaku iyo, wanguvwa kuŵeyere kwawo.

Sumu 125:1

Ŵakugomekezga mu Ambuya ŵe uli ndiphiri Zioni, lenilo kuti lingasukuniskika cha, kweni ndakujaririya muyaya.

Sumu 146:5

Wa mwaŵi ndi munthu mweniyo chovyo chake che mwaku Chiuta waku Yakobe, wakuthamiya mu Ambuya Chiuta wake.

Sumu 22:5

Ŵangubongole kwaku imwe, ŵangutaskika; mwaku imwe ŵangugomekezga, ndipo kuti ŵangurengeskeka cha.

Yesaya 45:17

Kweni Yisraele wataskika ndi Ambuya ndi utaski wa muyaya; kuti ukalengeskekanga cha chingana rikhutimbanizgika ku mgonezi wa muyaya.

Yeremiya 17:18

Ŵalengeskeke ŵeniwo ŵatindisuzga; kweni ine mungandilengeska cha; ŵadiskike nthazi rekani kundidiska nthazi ine. Toleni paku iwo zuŵa liheni muŵaphwanye ndi kuphwanya kwa kaŵi.

ŴaRoma 9:33

uli ndimo kwalembeke, “Awonani, ndiŵika mu Zioni mwa wachiguŵisku ndi jarawe la chiwiska: ndipo yo ngwakuvwana paku iyo kuti walengeskekenge cha.”

1 Petro 2:6

Chifukwa mu lembo kutiti, “Aona, ndijarika mu Zioni mwa, wachikhozge-nyondo, wakusankhika, wakuzirwa: ndipo mweniyo ngwakuvwana paku iyo wangalengeskeka cha.”