Sumu 69:26 - Tonga Bible 1986

²⁶ Pakuti ŵatimusuzga yo imwe mwakoso, ndipo yo imwe mwamupweteka, iwo ŵatimuyuzga so kwakuruska.

Sumu 69:26 ပူးပေါင်းရင်းမြစ်များ

2 Mikoka 28:9

Kweni mchimi wa Ambuya wenga kweniko, zina lake lenga Odedi; ndipo wanguruta kwachikumana ndi liŵanja la nkhondo lo linguza ku Samaria, ndi wanguti kwaku wo, “Wonani, chifukwa Ambuya, Chiuta wa auskemwe wangukaripa ndi Yuda, wanguŵapereka mu janja linu, kweni imwe mwaŵabaya ndi ukari wo wafika mpaka ku chanya.

Jobu 30:13

Ŵananga nthowa yangu, ŵakwezgekwezge soka langu; palivi yumoza yo wati ŵarekeska.

Sumu 109:16

Munthu yo kuti waghanaghanako ndi kuŵa walisungu cha; kweni wanguzingizga ndi kubaya, mukavu, msauchi, ndi wakusweka mtima.

Yesaya 53:10

Kweni lenga khumbo la Ambuya kumukomweska; amuŵika viyo mukuŵaŵa; penipo watijipereka iyo yija mpasku wapa ulakwi, wakawonanga ŵana ŵake, wakarutilizganga mazuŵa ghake; khumbu la Ambuya likasakatanga mu janja lake;

Yesaya 53:4

Kwakuneneska iyo wakunyamuwa vyakupweteka vidu, ndi kupinga vitima vidu; kweni ifwe tingumuwona nge ngwakupamanthika, wakupumika ndi Chiuta, ndi wakusuzgika.

Zekariya 1:15

Ndipo nditundiya ukongwa ndi mitundu yakufwasa; chifukwa penipo ndingukaripa kamanavi, iwo ŵangurutizga suzgu.

Zekariya 13:7

“Yuka, lipanga, pa mliska wangu, pa munthu yo watuma pafupi ndi ine,” atiti Ambuya ŵa maŵanja. “Koso mliska, kuti mberere zimbininike; ndiwezgiyenge janja langu pa zimana-zimana.

1 ŴaTesalonika 2:15

Wo nawo ŵangubaya Ambuya Yesu ndi ŵamchimi, ndipo ŵangutidikiska ifwe, ŵambura kumkondweska Chiuta, ndipo mbakumikirana ndi ŵanthu wose;