Sumu 69:13 - Tonga Bible 1986

¹³ Kweni ine, ndirombenge kwaku imwe, Ambuya. Panyengo yo mwasankha, A Chiuta, chifukwa cha chifundu chinu chikuru, mundamuke, chifukwa musunga phanganu linu la kutaska.

Sumu 69:13 ပူးပေါင်းရင်းမြစ်များ

Chiyambo 24:27

ndipo wanguti, “Watumbikike Ambuya, Chiuta wa mbuya wangu Abrahamu, mweniyo walivi kureka chanju chake cha wezi ndi ukongorekwa wake pa mbuya wangu. Ndipo ine, Ambuya andilongozga mu nthowa kuya ku nyumba ya ŵabali ŵa mbuya wangu.”

Estere 5:2

ndipo wanguti wawona Estere fumukazi wama mu luluwa wangusaniya wezi mu maso ghake ndipo wangumutambaruliya nthonga ya golide Estere yo yenga mu janja lake. Viyo Estere wangundere kufupi, ndikukwaska songo ya nthonga ya karonga.

Estere 5:6

Ndipo ŵachimwa vinyo, karonga wanguti kwaku Estere, “Kumbi pemphu lako ndakuti uli? Likapaskikanga kwaku iwe? Cho unweka nchine? Chingana nchigaŵa chimoza cha vigaŵa viŵi vya ufumu wangu chichitikenge.”

Estere 7:2

Ndipo pa zuŵa lachiŵi ŵachimwa vinyo karonga wangukamba so ndi Estere pa dghera lo kuti, “Kumbi pemphu lako ndakutinji, fumukazi Estere? Kupaskikenge kwaku iwe; ndipo khumbo lako ndine? Ndipo likachitikanga chingana nkhu chigaŵa chimoza cha vigaŵa viŵi vya ufumu.”

Sumu 32:6

Chifukwa ichi we yose yo ngwauchiuta wapereke rombu kwaku imwe; pa nyengo ya suzgu, mukusapatiya kwa maji ghanandi, kuti ghamukwaskenge cha.

Sumu 51:1

Ndichitiyeni wezi A Chiuta, kwakuyana ndi chifundu chinu; uli mbunandi wa vya lisungu vinu sisitani mamphuru ghangu.

Sumu 91:15

Ŵakandidananga, ndikaŵamukanga; ŵachiŵa musuzgu, ndikaŵanga pamoza nawo ndiŵapozomoskenge ndi kuŵatumbika.

Sumu 98:3

Akumbuka chanju chawo chakufikapo ndi ukongorekwa wawo ku nyumba yaku Yisraele. Ŵanthu wose kose kose mu charu chapasi ŵawona utaksi waku Chiuta.

Yesaya 49:8

Viyo atiti Ambuya, “Mu nyengo ya mwaŵi ndakwamuka iwe, mu zuŵa la utaski ndakovya ndakusunga iwe ndakupaska nge ndi phanganu ku ŵanthu kujarika charu, kugaŵa vihara vya mapopa;

Yesaya 55:6

“Penjani Ambuya penipo angusanirika, danani paku iwo penipo ŵeche pafupi;

Chitenje 3:63

Wonani kuja kwawo ndi kuyuka kwawo; ŵatindimba mu sumu zawo.

Mika 7:20

Mukalongonga chigomekezgu kwaku Yakobe ndi chanju chakufikapo kwaku Abrahamu, nge ndimo mungulapiya ku auskefwe mu mazuŵa gha kali.

Luka 1:72

kwachichitiya lisungu ku auskefwe, ndi kwachikumbuka phanganu lake lakupaturika;

Luka 22:44

Ndipo pakuŵa mu mphirimbu warombanga kwakufwiririyapo: ndipo dukutira lake linguŵa nge ndi manthone gha ndopa ghakujirimiya pasi.]

2 ŴaKorinte 6:2

Chifukwa watiti, “Mu nyengo yakurondeka ndingutegherezga kwako, ndipo mu zuŵa la utanski ndingukovya.” Onani, sono ndi nyengo yamarondeka; onani, sono ndi zuŵa la utaski.

ŴaHebere 5:7

Mweniyo mu mazuŵa ghake ghaliŵavu, wanguti wapereke, ndi Mubobotu wanthazi ndi masozi, maniniziku, maŵeyerero, kwaku yo wenga ndi nthazi kumtaska kunyifwa, ndipo wanguvwika pa chifwa cha uwopa Chiuta wake.

1 Petro 2:23

wachinyozeka iyo, kuti wanyozanga cha; wachikomwa, kuti wafinganga cha, kweni wajiperekanga kwaku mweniyo wateruzga kwaurunji.

1 Samuele 25:8

Uŵafumbe ŵanyamata ŵako, ndipo ŵakakukambiyanga. Chifukwa ichi ndipempha kuti ŵanyamata ŵangu aŵa ŵasaniye wezi mu maso ghako, pakuti ichi ndipempha kuti ŵanyamata ŵangu aŵa ŵasaniye wezi mu maso ghako; pakuti ili ndi zuŵa la likondwa la dghera lidu. Ndiromba, ŵapaskeni ŵateŵeti ŵinu ndi mwana winu Davidi kose ko mwenako mu janja linu.’ ”