Sumu 68:3 - Tonga Bible 1986

³ Kweni ŵarunji ŵakasekerenga ndi chimwemwe paurongo pake; ŵakakondwanga kwakufikapo.

Sumu 68:3 ပူးပေါင်းရင်းမြစ်များ

Sumu 21:1

Ambuya, mwe, karonga wakondweriyenge mu nthazi zinu; ndipo mu chovyo chinu wakwezgeka ukongwa!

Sumu 32:11

Kondwani mu Ambuya, ndipo sekeriyani, mwaŵarunji mwe, kamburani ndi chimwemwe, mose mwa ŵakunyoroka mtima!

Sumu 37:20

Kweni ŵaheni ŵasoŵenge; ŵarwani ŵa Ambuya ŵenge nchipozwa chakunozga cha mauliska: ŵaparghang'ikenge nge ndi usi, ŵaparghang'ikiyenge kutali.

Sumu 43:4

Penipo ndipo ndikarutanga ku jochero laku Chiuta, kwaku Chiuta chimwemwe changu chakuruska; ndipo ndikatumbikanga imwe ndi bangwe, A Chiuta, Chiuta wangu.

Sumu 58:10

Wakondwenge wakurunjika wachiwona thayu; marwayo ghake wasukengemu ndopa za ŵaheni.

Sumu 64:10

Ŵakurunjika ŵakondwerenge mu Ambuya, ŵadingang'enge mwaku iwo! Ndipo wose ŵakunyoroka mu mtima ŵangarenge!

Sumu 75:4

Ndikamba ku ŵakujikuzga, “Mungajikuzganga cha,” ndi ku ŵaheni, “Mungalongonga nthazi zinu cha;

Sumu 97:12

Kondwani mose mwa ŵakurunjika, chifukwa chaku vyo Ambuya achita!

Marangu 12:12

Ndipo mukakondwanga pa nthazi pa Ambuya Chiuta winu, imwe ndi ŵana ŵinu ŵanthurumi ndi ŵana ŵinu ŵanthukazi, ŵanchitu ŵinu ŵanthurumi ndi ŵanchitu ŵinu ŵanthukazi ndi muLevi yo wamumizi yinu, pakuti walivi nanga ndi chihara pamoza ndi imwe.

1 ŴaTesalonika 5:16

Kondwani nyengo zose;

1 Petro 1:8

mweniyo mwaŵambura kumwona mutumwanja; mwaku mweniyo sono mwaŵambura kumlereska, kweni mwaŵakuvwana nayo, mukankhaŵiya ukongwa ndi chimwemwe chambura makambika ndi chakuzara unkhankhu,

Chivumbuzi 18:20

Kondwereni paku iyo, kuchanya ko, ndi imwe mwaŵakupaturika, mwaŵakutumika ndi ŵamchimi; chifukwa Chiuta wamweruzga paku vyo wangumuchitiyani.”

Chivumbuzi 19:7

Tisangaruke ndi tikondwe ukongwa: tipaske iyo unkhankhu: pakuti yafika nthengwa ya Mwana-mberere yo, ndipo muwoli wake wajirongoso.