Sumu 68:2 - Tonga Bible 1986

² Mo usi uputiya ndi mphepo, ndimo muŵambininiskiye; mo phura lisungonoke paurongo pa moto, viyo ndimo ŵasoŵe ŵaheni pa maso ghaku Chiuta.

Sumu 68:2 ပူးပေါင်းရင်းမြစ်များ

2 Samuele 10:13

Viyo Yoabu ndi ŵa pamoza nayo wangundere kufupi kurwana ndi ŵaSiriya; ndipo ŵanguthaŵa pa maso pake.

2 Samuele 10:18

ŴaSiriya ŵanguthaŵa pa maso pa ŵaYisraele; ndipo Davidi wangubaya ŵaSiriya ŵapa magareta machumi pe chumi ghankhonde ndi ghaŵi (700), ŵapa kavalo vikwi machumi ghanayi (40,000) wangumlasa Shobaka nduna yankhondo yawo, mwakuti wangufwiya penipa.

Sumu 22:14

Ndapungulika nge ndi maji, ndipo vyagweduka vyose viwanga vyangu; mtima wangu waŵa nge ndi phura, wasongonoka mukati mu chifuŵa changu;

Sumu 37:20

Kweni ŵaheni ŵasoŵenge; ŵarwani ŵa Ambuya ŵenge nchipozwa chakunozga cha mauliska: ŵaparghang'ikenge nge ndi usi, ŵaparghang'ikiyenge kutali.

Sumu 76:7

Kweni ŵanthu ŵatopa imwe! Njani yo wangaziŵa kuma pa maso pinu asani mwatundiya?

Sumu 80:16

Ŵamawongo ŵidu ŵayocha ndi moto ndi kudumuliya pasi; muŵalereske ndi ukari ndipo muŵaparghang'e!

Sumu 97:5

Mapiri ghasongonoka nge ndi phura paurongo pa Ambuya ŵa charu chose.

Yesaya 33:3

Pa chiwawa cha kudiririska ŵanthu ŵathaŵa, pa kujisoska imwe mwaŵeni mitundu yimbininika;

Yesaya 64:2

uli ndi moto utocha tumphanda pamwenga mo moto uŵiriskiya maji kuchitiska zina linu kuti liziŵikwe ku ŵakupindikana ŵinu, ndi kuti mitundu yinjenjeme pa uŵapo winu!

Yesaya 9:18

Pakuti utimbanizi ukole uli ndi moto, utocha kankhande ndi minga; ukozga matundu ndi lisuwa, ndipo viputiya kuchanya mu ukhomi wa usi.

Yeremiya 46:15

Wathaŵiyanji Apisi? Chifukwa chine yengavi kuma nkhuzi yinu? Nchifukwa chakuti Ambuya angumupong'a pasi.

Hoseya 13:3

Chifukwa ichi ŵakaŵanga nge ndi nyankhuŵinda wa mlenji, pamwenga nge ndi dungwi lo lakamuka ruŵi. Nge ndi mwere wo wuputa pa malo ghakupepete, pamwenga nge ndi usi wakuturiya pa dangazi.

Mika 1:4

Ndipo mapiri ghakasongonokanga pasi pake, ndi madambo ghakaparukanga, nge ndi phura pafupi pa mo to, ndi nge ndi maji gho ghadika pa malo gha kusendemuka.

Maŵerengedu 10:35

Ndipo kunguŵa lichisoka Bokosi, Mosese wanguti, “Sokani, Ambuya, ŵambininike ŵamawongo ŵinu; ndipo wose ŵakukutinkhani ŵathaŵe paurongo pinu.”