Sumu 65:3 - Tonga Bible 1986

³ pa chifukwa cha mauheni ghawo, vyakulakwa vidu vyatipunda kweni imwe mugowoke.

Sumu 65:3 ပူးပေါင်းရင်းမြစ်များ

1 ŴaKaronga 9:3

Ndipo Ambuya anguti kwaku iyo, “Ndavwa rombu lako ndi kuŵeyere kwako, ko wachita paurongo pangu; ndayituŵiska nyumba yo wazenga, ndipo ndaŵika zina langu mwenimo muyaya, maso ghangu ndi mtima wangu vikaŵanga mwenimo nyengo yose.

2 ŴaKaronga 19:20

Sono Yesaya mwana waku Amozi wangutuma kwaku Hezekiya, kuti, “Ambuya atiti viyo, Chiuta yo waku Yisraele: Rombu lako kwaku ine la paku Senakaribu karonga wa Siriya ndavwa.

2 ŴaKaronga 20:5

“Ng'anamukiya kuvuli, ndipo ukakambe kwaku Hezekiya fumu ya ŵanthu ŵangu, ‘Viyo atiti Ambuya Chiuta waku Davidi ausu: ndavwa kuromba kwako, ndawona masozi ghako, ehe, ndikakuchizganga, pa zuŵa la chitatu ukarutanga ku nyumba ya Ambuya.

Sumu 38:4

Pakuti kubende kwangu kwabizga mutu wangu; ndavuka navyo nge ndi katundu muzitu.

Sumu 40:12

Pakuti mauheni ghambura maŵerengeka ghandizingirizga; mphurupuru zandisaniya, rekani nditondeka nanga nkhulereska; zaŵa zinandi kwakuruska sisi laku mutu wangu; mtima wangu chipoyo.

Sumu 51:7

Ndiphotoni ndi hisope, ndipo nditowenge, ndisukeni, ndipo nditowenge kwakuruska nyankhuŵinda.

Sumu 79:9

Tovyeni, A Chiuta, mtaski widu, chifukwa cha unkhankhu wa zina linu.

Yesaya 6:7

Ndipo wangukwaska mlomo wangu, ndi wanguti, “Awona, ichi chakwaska milomo yako, kulakwa kwako kwatuzgikapo, ndipo uheni wako wagowokeleka.”

Yesaya 66:23

Kutuwa ku mwezi ufya kuya ku mwezi ufya, ndi kutuwa ku sabata kuya ku sabata, nyama yose yikazanga kusopa paurongo pangu, atiti Ambuya.

Yeremiya 16:19

Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.

Zekariya 13:1

“Mu zuŵa lo chisima chijurikiyenge nyumba yaku Davidi ndi ŵakuja mu Yerusalemu, kuŵatoweska ku ulakwi ndi utimbanizi.

Yohane 1:29

Ndi mlenji wawona Yesu wachiza kwaku iyo, ndipo watiti, “Awonani, Mwana-mbere waku Chiuta, yo watuzgapo ulakwi wa charu!

ŴaGalatia 5:17

Chifukwa liŵavu lilakalakiya pa mzimu, ndi Mzimu pa liŵavu; pakuti vipindikana vyenivyo, viyo kuti vyenivyo mungakhumba, ndivyo kuti mungachita cha.

ŴaHebere 9:14

uli ukongwako ndopa zo zaku Kristu, mweniyo mu Mzimu Wamuyaya wangujipereka wambura kalema kwaku Chiuta, zitozgenge njuŵi zinu ku nchitu zakufwa kwachiteŵete Chiuta wamoyo?

Chivumbuzi 1:5

ndi kutuwa kwaku Yesu Kristu, kaboni yo wamagomekezgeka, wakupapika wachimoza wamu ŵakufwa, ndi wakuwusa wa ŵakaronga ŵapanupasi. Kwaku Mweniyo watanja ifwe, ndi wangutifwatuwa ku vyakulakwa vidu mu ndopa zake;