Sumu 60:4 - Tonga Bible 1986

⁴ Mwajintha mbendera yaku wo ŵatimopani imwe, mwakuti ŵawunjikanepo pa kuthaŵa ku uta.

Sumu 60:4 ပူးပေါင်းရင်းမြစ်များ

Sumu 20:5

Tikamburiyenge ndi likondwa mu upundi winu, ndipo mu zina laku Chiuta widu tijinthenge mbendera! Ambuya afiske mapemphu ghako ghose!

Sumu 45:4

Mu kuziza kwako ugarenge ndi kupunda chifukwa cha uneneska ndi kuvikiriya urunji; janja lako lakurghiya likusambizge vinthu vyakofya!

Chituwa 17:15

Ndipo Mosese wanguzenga jochero la chisopo ndi wangulidana zina lake Ambuya ndi mbendera yangu.

Sumu ya Zisumu 2:4

Wangunditore ku nyumba ya madghera, ndipo mbendera yake pachanya pangu yenga chanju.

Yesaya 11:12

Wakasoskiyanga mbendera pa mitundu, wakaunjikanga pamoza wakutayika waku Yisraele, ndi kuunjika ŵakuparghang'ika ŵaku Yuda kutuwa ku visongo vinayi vya charu chapasi.

Yesaya 13:2

Kwezgani mbendera pa phiri la mtetete, bongoni ukongwa kwaku iwo, muŵacheuliye janja kuti ŵasere pa malikomo gha ŵakuzirwa.

Yesaya 49:22

Viyo atiti Ambuya Chiuta: “Ehe, ndikasoskiyanga janja langu ku mitundu, ndi kusoska mbendera yangu ku ŵanthu; ndipo wakazanga ndi ŵana ŵako ŵanthurumi mu vifuwa vyawo, ŵana ŵako ŵanthukazi ŵakanyamulikanga pa mapheŵa ghawo.

Yesaya 5:26

Akayuskanga chiziŵisku ku khamu la kutali ukongwa, akalimbiyanga kayuzi kutuwa ku umari wa charu chapasi; ndipo ehe, mwa ruŵiruŵi, kwambura kuswera likazanga!

Yesaya 59:19

Viyo ŵakawopanga zina la Ambuya kutuwa ku zambwe, ndi unkhankhu wake kwamba kukutuliya dazi, pakuti wakazanga nge nkhamsinji ka mweza, ko kadikiskika ndi mphepo ya Ambuya.