Sumu 54:7 - Tonga Bible 1986

⁷ Pakuti mwandipozomoska ku suzgu yose, ndipo jiso langu lalereska mwa upundi pa ŵarwani ŵangu.

Sumu 54:7 ပူးပေါင်းရင်းမြစ်များ

Chiyambo 48:16

mungelo wa Ambuya mweniyo wandiwombo ku masoka ghose, watumbike ŵanyamata yaŵa: ndipo mwaku iwo zina langu likiyikiye, ndipo zina la ŵada Abrahamu ndi Yisaki, ndipo ŵakuwe ŵakwandana mu charu chapasi.”

2 Samuele 4:9

Kweni Davidi wanguti kwaku Rekaba ndi mbali wake Bana, ŵana ŵaku Rinoni mu Beroto, “Ndarapa Ambuya wamoyo, yo wawombo umoyo wangu mu visuzgu vinandi,

Sumu 112:8

Kuti wasuzgika ndi maghanaghano pamwenga kuchita wofi cha, wafikapo mtima kuti wakawonanga ŵarwani ŵake ŵachithereskeka.

Sumu 118:7

Ambuya ŵe kuchiri kwangu kundovya; ndipo ndikawonanga kuthereskeka kwa ŵarwani ŵangu.

Sumu 143:12

Mu chanju chinu chakufikapo, kosoni ŵarwani ŵangu, muŵaparghang'e wose ŵakundikandirizga, chifukwa ndine mteŵeti winu.

Sumu 34:19

Vinandi viguŵisku vya murunji; kweni Ambuya atimuwombo kwaku vyose.

Sumu 34:6

Musauchi uyu wangubongo, ndipo Ambuya angumuvwa, angumtaska mu visuzgu vyake vyose.

Sumu 37:34

Lindizga Ambuya, yendanga mu nthowa yawo, ndipo akutumphuskenge kuhara charu; ukawonanga ŵachidumulika ŵaheni

Sumu 59:10

Chiuta wangu mu chifundu chake wakumanenge nane; Chiuta wangu wakandiwoneskanga kuthereskeka kwa ŵarwani ŵangu.

Sumu 91:8

Kweni ukawonanga ndikulereska mo ŵaheni ŵalangikiya.

Sumu 92:11

Maso ghangu ghalereska kuwa pasi kwaŵarwani ŵangu; makutu ghangu ghavwa kubwanganduka kwa ŵakundiyukiya.

2 Timote 4:18

Mbuya iyo wandipozomoskenge ku nchitu yose yiheni ndipo wanditaskiyenge ku ufumu wake wakuchanya: kwaku mweniyo kuŵiye unkhankhu wo ku muyaya-muyaya. Ameni.

1 Samuele 26:24

Awonani, nge ndimo umoyo winu waŵiya wakuzirwa mu maso ghangu msana wale; viyo so mphanyi ndimo waŵiya wakuzirwa umoyo wangu mu maso gha Ambuya, ndipo andipozomoske ku visuzgu vyose.”