Sumu 52:5 - Tonga Bible 1986

⁵ Kweni Chiuta wakakubwanganduwanga muyaya; wakwamphuwenge ndi kukuparuwa mu hema lako; wakakuzuwangamo mu charu cha ŵamoyo.

Sumu 52:5 ပူးပေါင်းရင်းမြစ်များ

Jobu 18:14

Wajimphulika kutuwa ku hema lenilo wangugomezga, ndipo watoreke ku karonga wa chofyo.

Sumu 116:9

Ndi viyo nditenda paurongo pa Ambuya mu charu cha ŵamoyo.

Sumu 27:13

Ndivwana kuti ndikawonanga vyamampha vya Ambuya mu charu cha ŵamoyo!

Sumu 55:23

Kweni imwe A Chiuta, muŵapong'enge pasi, mu zenje la pharghaniko; ŵanthu ŵakudiska ndopa ndi ŵakupusika kuti ŵafiskenge mazuŵa gha umoyo wawonanga mphakatikati cha. Ine ndigomekezgenge mwaku imwe.

Nthanthi 12:19

Milomo ya uneneska yijaliriya muyaya, kweni lilime lakupusika nda nyengo yimanavi.

Nthanthi 19:5

Kaboni mutesi kuti walekenge kulangika cha, ndipo mweniyo wakamba mautesi kuti wathaŵenge cha.

Nthanthi 19:9

Kaboni mutesi kuti warekenge kulangika cha, ndipo mweniyo wakamba mautesi wakafwanga.

Nthanthi 2:22

kweni ŵaheni ŵakadumulikangako ku charu cho, ndipo ŵakunyenga ŵakazuwikangamo.

Yesaya 22:19

Ndikakudikiskanga pa nchitu yako, ndipo ukatuzgikangapo pa malo ghako.

Yesaya 38:11

Ndinguti, kuti ndiwonenge Ambuya cha mu charu cha ŵamoyo; kuti ndikalereskanga so pa munthu cha mukati mu ŵakuja mu charu.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”