Sumu 51:2 - Tonga Bible 1986

² Mundisuke ku kubende kwangu, ndipo mundiphoto ku kwananga kwangu.

Sumu 51:2 ပူးပေါင်းရင်းမြစ်များ

2 Samuele 11:4

Sono Davidi wangutuma mathenga, ŵangumuto; ndipo wanguza kwaku iyo, ndipo wangulakwa nayo. Pakuti wangutozgeka ku masambi ghake, ndipo wanguwere ku nyumba yake.

2 Samuele 12:1

Ndipo Ambuya angutuma Natani kwaku Davidi. Wanguza, ndipo wangunena nayo, “Mu msumba wakuti mwenga ŵanthu ŵaŵi, yumoza musambasi munyake mukavu.

Sumu 19:12

Kweni njani yo wangaziŵa kwananga kwake? Ndingweruskeni ku viheni vyakubisika.

Sumu 51:7

Ndiphotoni ndi hisope, ndipo nditowenge, ndisukeni, ndipo nditowenge kwakuruska nyankhuŵinda.

Yesaya 1:16

Musambe; mujiphoto; tuzgani uheni wa machitidu ghinu pa maso pangu; rekani kuchita uheni,

Yeremiya 4:14

Yerusalemu we, suka mtima kuti uheni utuwemo, mwakuti utaskike. Mpaka zuŵanji maghanaghano ghako ghaheni ghakajanga mu mtima wako?

Ezekiele 36:25

Ndikamijanga maji gha kutowa paku imwe, ndipo mukatowanga ku kufipirwa kwinu kose ndikakutoweskaninga ku ŵangoza ŵinu wose.

ŴaLevi 13:58

Kweni chakuvwara, cha uzu wakumika pamwenga wakupinjika, pamwenga chinthu chose cho nchakuchitika ndi chikopa mwaku cho nthenda yatuwa mwati mwachisuka, chikasukikanga so kachiŵi, ndipo chikatozgekanga.”

Zekariya 13:1

“Mu zuŵa lo chisima chijurikiyenge nyumba yaku Davidi ndi ŵakuja mu Yerusalemu, kuŵatoweska ku ulakwi ndi utimbanizi.

Yohane 13:9

Wamnene Simoni Petro, “Ambuya, marundi ghangu pe cha, kweni manja nagho ndi mutu.”

Machitidu gha Ŵakutumika 22:16

Ndipo sono usweriyanji? Soka, ubatizike, ndi usambe vilakwa vyako, wakudaniya pa zina lake.’

1 ŴaKorinte 6:11

Ndipo mwaŵanyake mwenga ŵaviyo. Kweni mwasambiskika, mwapaturiskika, mwarunjiskikiya mu zina la Ambuya Yesu Kristu, ndi mu Mzimu waku Chiuta widu.

Chivumbuzi 1:5

ndi kutuwa kwaku Yesu Kristu, kaboni yo wamagomekezgeka, wakupapika wachimoza wamu ŵakufwa, ndi wakuwusa wa ŵakaronga ŵapanupasi. Kwaku Mweniyo watanja ifwe, ndi wangutifwatuwa ku vyakulakwa vidu mu ndopa zake;

Chivumbuzi 7:14

Ndingunena nayo, “Fumu, muziŵa ndimwe.” Ndipo wangunena nane, “Yaŵa mbeniwo ŵatuwa mu suzgu yikuru yo, ndipo ŵasuka makhanju ghawo ndi ŵaghatuŵiska mu ndopa za Mwana-mberere yo.