Sumu 51:11 - Tonga Bible 1986

¹¹ Rekani kunditaya kutali; kundituzga pa maso pinu, ndipo mureke kutuzgako kwangu mzimu winu wakupaturika.

Sumu 51:11 ပူးပေါင်းရင်းမြစ်များ

Chiyambo 4:14

Awonani, mwandidikiska msana wale ku nyata; ndipo ndikabisikanga chisku; ndipo ndikaŵanga wakuthaŵathaŵa ndi wakiyingayinga pa charu chapasi, ndipo we yose wakundisaniya wakandibayanga.”

Chiyambo 6:3

Sono Ambuya anguti, “Mzimu wanguti kuti ukajanga mu munthu cha muyaya, pakuti iyo ndi nyama; mazuŵa ghake ghakaŵanga virimika machumi pe chumi, pachanya machumi ghaŵi (120).”

2 Samuele 7:15

kweni kuti ndituzgengeko kwaku iyo chanju changu cha nge ndimo ndinguchituzgiyako kwaku Sauli mweniyo ndingumutuzgapo pa maso ghako.

2 ŴaKaronga 13:23

Kweni Ambuya ŵenga ŵa wezi kwaku wo, ŵenga nawo ndi chifundu, ndipo angung'anamukiya kuchiri kwawo, chifukwa cha phanganu ndi Abrahamu, Yisaki ndi Yakobe, ndipo kuti angukhumba kuŵaphwanya cha, chingana akuŵadika pa maso pawo mpaka ku zuŵa lino.

2 ŴaKaronga 23:27

Viyo Ambuya anguti, “Ndikamutuzgangapo Yuda nayo sopa, maso ghangu, uli ndimo ndamutuzgiyapo Yisraele, ndipo ndikawutayanga msumba uwu Yerusalemu, wo ndingusankha, ndi nyumba iyi paku yo ine ndinguti, zina langu likajanga mwenimuwa.”

2 ŴaKaronga 24:20

Pakuti chifukwa cha ukari wawo chingufiskika ichi mu Yerusalemu ndi Yuda Ambuya anguŵadikiska pa maso ghawo. Ndipo Zedekiya wangugaruka ku karonga wa Babiloni.

Sumu 43:2

Pakuti imwe mwa ŵaChiuta mwaku mweniyo ndidingang'a; kumbi mwandijowoliyanji? Chifukwa chine nditenda ndichitenje, pa kuzitiskika ndi murwani?

Sumu 71:18

Sono po nde khongwe, nyivu zeku mutu, rekani kundijowo, A Chiuta. Muŵenge nane po ndimemeza nthazi zinu ndimazaza ghinu, mpaka ku migonezi yo yituza.

Sumu 71:9

Rekani kunditaya pa nyengo yino pakuti ndi khongwe; rekani kundisiya po nthazi zangu zamara.

Yeremiya 7:15

Ndipo ndikakudikiskaninga ku chisku changu, uli ndimo ndingudikiskiya ŵabali ŵinu, mphapu yose yaku Efraimu.

Luka 11:13

Viyo asani imwe, mwaŵakuŵa ŵaheni, muziŵa kupaska mipasku yamampha ku ŵana ŵinu, uli ukongwaku Ada wo ŵakuchanya ŵapaskenge Mzimu Wakupaturika ku ŵakuŵapempha?”

Yohane 14:26

Kweni Nkhoswi yo, Mzimu Wakupaturika, mweniyo Dada watumenge mu zina langu, iyo wazamkukusambizgani vinthu vyose, ndipo wazamkukukumbuskani vyose vyo ndakuneniyani.

ŴaRoma 1:4

ndipo kuchiri ku Mzimu Wakupaturika, wangusimikizgika ndi nthazi kuŵa Mwana waku Chiuta ndi chiyuka cha ŵakufwa, Yesu Kristu Ambuyafwe;

ŴaRoma 8:9

Kweni kuti imwe muja kwakuyana nge ndimo kaŵiro ka unthu winu katikuneniyani cha, muja uli ndimo Mzimu watikuneniyani, pakuti nadi, Mzimu waku Chiuta uja mwaku imwe. We yose yo walive Mzimu waku Kristu, kuti ngwaku iyo cha.

ŴaEfeso 4:30

Ndipo mungamkwininiska Mzimu Wakupaturika waku Chiuta, mwaku mweniyo munguzighirikiya ku zuŵa la uwombozi.

2 ŴaTesalonika 1:9

Aŵa wose ŵakalangikanga ndi phasulu lamuyaya lakutuliya ku chisku cha Ambuya ndi ku unkhankhu wa nthazi zake,

Ŵeruzgi 13:25

Ndipo mzimu wa Ambuya ungwamba kumuchenjereska mu Mahane-dani, pakati pa Zora ndi Eshetalo.

Ŵeruzgi 15:14

Po wanguza ku Lehi, ŵaFilisti ŵanguza ndi kuwawata kuzachikumana nayo; ndipo mzimu wa Ambuya unguza ndi nthazi paku iyo, ndipo vingwe vyo vyenga pa manja ghake vinguwa nge ndi vinthembwe vyo vitufya ndi moto, ndipo mafundu ghake ghanguthwamuka ku manja ghake.

Ŵeruzgi 16:20

Delila wanguti, “ŴaFilisti ŵatukuko Samsoni.” Ndipo iyo wanguyuka mu tulo twake, wanguti, “Ndikatuwanga uli mpha nyengo zinyake, kwachijisukuniska,” kweni wakuwura kuziŵa kuti Ambuya amusiya yija.

1 Samuele 10:10

Po wanguti wafika ku Gibea, mpingu wa ŵamchimiungukumana nayo; ndipo mzimu waku Chiuta unguziya pake ndi nthazi, mwakuti iyo nayo wanguchima pamoza nawo.

1 Samuele 16:14

Viyo mzimu wa Ambuya ungutuwamo mwaku Sauli, ndipo mzimu uheni wakutuliya ku Ambuya ungumusuzga.