Sumu 5:6 - Tonga Bible 1986

⁶ Imwe mumarenge wo mbakukamba mautesi; Ambuya apata ŵanthu ŵakudiska ndopa ndi ŵakupusika.

Sumu 5:6 ပူးပေါင်းရင်းမြစ်များ

Chiyambo 34:14

Ŵanguti kwaku wo, “Tingachita cha chinthu ichi, kupaska mzichi widu kwaku yo ngwambura kuchinjika, pakuti chaviyo nchilengesku kwaku ifwe.

2 Samuele 16:8

Ambuya awezga nduzga paku iwe, ndopa zose za nyumba yaku Sauli, pa malo ghaku mweniyo iwe wausa; ndipo Ambuya apereka ufumu mu janja la mwana wako Absalomu. Ehe, kupasuka kwe paku iwe; chifukwa we munthu wa ndopa.”

2 Samuele 20:1

Ndipo wengako kweni kuwa munthu zereza yo zina lake lenga Sheba mwanamunthurumi waku Bikri muBenjamini; iyo wangumba mbata wanguti, “Ifwe tilivi chigaŵa mwaku Davidi, ndipo tilivi chihara mu mwana waku Jese; munthu yose ku hema lake, imwe ŵaYisraele!”

Sumu 11:5

Chiuta watesa ŵarunji ndi ŵaheni, ndipo mzimu wake utinkha wakwanja viwawa.

Sumu 4:2

Mwa ŵanthu mwe, mpaku zuŵanji ulemu wangu uŵenge wa soni? Mpaka zuŵanji mwanjenge mazu ghawaka, ndikupenja mautesi?

Sumu 43:1

Nderuzgeni, A Chiuta mundikambiye mlando wangu ndi ŵanthu ŵambura kuziŵa Chiuta; ku ŵanthu ŵakupasika ndi ŵakubende nditaskeni!

Sumu 55:23

Kweni imwe A Chiuta, muŵapong'enge pasi, mu zenje la pharghaniko; ŵanthu ŵakudiska ndopa ndi ŵakupusika kuti ŵafiskenge mazuŵa gha umoyo wawonanga mphakatikati cha. Ine ndigomekezgenge mwaku imwe.

Yesaya 26:21

Pakuti ehe, Ambuya atuza kutuwa mu malo ghawo, kuzachilanga ŵakuja mu charu pa chifukwa cha kwananga kwawo, ndipo charu chazamvumbuwa ndopa zakudikiya paku cho, ndipo kuti chikabisanga so ŵakubayika ŵake cha.

ŴaRoma 1:29

pakuzazika iwo ndi uwuraurunji wose, uheni, bina, nkhaza; pakuzara chiŵinu, mbanda, ndeu, fuzi, kapimidu kaheni; ŵamtokutoku,

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Chivumbuzi 22:15

Kubwaro kwe ŵagaru, ndi vyanusi, ndi ŵareŵi, ndi ŵambanda, ndi ŵakusopa-ngoza, ndi yose wakwanja ndi wakuchita utesi.