Sumu 45:3 - Tonga Bible 1986

³ Jimangiriye lipanga lako mu chiwunu, wa chilimbi we, mu unkhankhu ndi mu kuziza kwako!

Sumu 45:3 ပူးပေါင်းရင်းမြစ်များ

Jobu 1:16

Weche kukamba, wanguza munyake yo wanguti, “Moto waku Chiuta ungusika kuchanya ndi ungocha mberere ndi ŵaliska ndi kuŵamara, ndipo ine ndija ndine ndapozomoka kuzachikunene.”

Sumu 104:1

Rumbanga Ambuya, wa mzimu wangu! Ambuya, Chiuta wangu, mwe ŵara ukongwa! Mukuvwarikika ulemu ndi unkhankhu;

Sumu 145:12

alinga kuti ŵana ŵa ŵanthu ŵaziŵe nchitu zinu zanthazi, ndi ukhankhu wa mazaza gha ufumu winu.

Sumu 145:5

Ine ndirungurukenge vya unkhankhu ndi ukaronga winu, ndi nchitu zinu zakuziziswa.

Sumu 21:5

Unkhankhu wake ngukuru chifukwa cha chovyo chinu; ulemu ndi ukuru mukuvwarika paku iyo.

Sumu 21:7

Pakuti karonga wagomekezga mu Ambuya; ndipo mu chifukwa cha chanju chikuru cha wapachanya limu kuti wasukuniskikenge cha.

Sumu 96:6

Unkhankhu ndi ukaronga vitimukuka; nthazi ndi kutowa vyemu malo ghake ghakupaturika.

Sumu ya Zisumu 2:3

Nge ndi muti wa mbuwa mukati mu miti ya mu lisuwa, ndimu walili nkhwanjiwa wangu mukati mu ŵanyamata. Ndi likondwa la kuruska ndinguja pasi mu mduzi wake, ndipo vipasi vyake vingukondakonda mu mlomo wangu.

Sumu ya Zisumu 5:13

Matakama ghake ghayana ngendi migandu ya vyakununkhira, yakupasa vyakununkhira. Milomo yake ndi maluŵa ghakunozga, yakunthona muro wakuhoma.

Yesaya 49:2

Anguchita mlomo wangu uli ndi lipanga lakuthwa, angundichita mu chiduzi cha janja lawo; angundichita muvwi wakunoleka, angudibisa mu phodo lawo.

Machitidu gha Ŵakutumika 10:36

Uziŵa mazu gho wangutumiya ŵana ŵaku Yisraele ghakugozge chimangu mwaku Yesu Kristu (ndiyo Mbuya waku wose),

ŴaRoma 14:9

Chifukwa kwaku chenichi Kristu wangufwiya, ndi wajariya so wamoyo, alinga kuti waŵe Mbuya wa ŵakufwa ndi so wa ŵamoyo.

ŴaHebere 1:3

Mweniyo, pakuŵa dangalira la unkhankhu wake ndi chiyanizgu cha kaŵidu kake, ndi pakuchirikiriya so vyose ndi nenedu la nthazi yake, wanguti, wachita chiphoto cha vilakwa, wanguja pasi ku marghe gha Ukurukuru mu machanya.

ŴaHebere 4:12

Chifukwa ngamoyo mazu ghaku Chiuta, ndi ngakuchita, ndingakuthwa kwakuruska lipanga lose la uyi kosekose, ndipo ghaporota mpaka ku mugaŵiru wa umoyo ndi mzimu, ndi marunga ndi mdinthi, ndi ngapusu kuteska maghanagha nondi maknumbu gha mtima.

ŴaHebere 8:1

Kweni mwaku vyenivyo vyakambika fundu yeneko njeniyi: te nayo Mzukuru Mura waviyo, mweniyo waja pasi ku marghe gha chitengu chaufumu ukurukuru mu machanya,

Yuda 1:25

kwaku Chiuta yijayija pe, Ntaski widu, kuŵiye mwaku Yesu Kristu Ambuyafwe, unkhankhu, mazaza, ukumu ndi mtufu, uli ndimo kwaŵiyanga yindaŵepo migonezi, kuliri sono, ndipo kukaŵiyanga muyaya. Ameni.

Chivumbuzi 1:16

Ndipo wanguŵa nazo nyenyezi nkhonde ndi ziŵi mu janja lake lamarghe; mu mlomo wake mwatuwanga lipanga lauyi la vyepe kosekose; ndi chisku chake chenga ulaka ndi dazi lakuŵala kwa nthazi.

Chivumbuzi 19:15

Ndipo lituwa mu mlomo wake lipanga lauyi, kuti wakoso nalo mitundu: ndipo wausenge ŵanthu ndi ndodo ya chisulo: ndipo iyo wakanda nkhandu ya mphereska ya ukari wa kandundu kaku Chiuta wanthazizose.

Chivumbuzi 19:21

Ndipo ŵakujapo ŵangubayika ndi lipanga laku mweniyo wangugara pa kavalo yo, lenilo lingutuwa mu mlomo wake. Ndipo viyuni vyose vinguguta nyama zawo.

Ŵeruzgi 3:16

Ehudi wangujipangiya lipanga la wuyi kosekose, utali wake lenga mkono umoza, ndipo wangulikoloŵeka pa chigha chake cha ku marghe mukati mu vivwalo vyake.