Sumu 42:5 - Tonga Bible 1986

⁵ Wawiyanji pasi, wa mzimu wangu, utamanthiyanji mukati mwangu? Gomezga mwaku Chiuta; chifukwa ndikamurumbanga so, movya wangu, ndi Chiuta wangu.

Sumu 42:5 ပူးပေါင်းရင်းမြစ်များ

Jobu 13:15

Ehe, wakandibayanga; ndilive chigomezgu; ndipuuli nkhavikiriyanga nthowa zangu pa maso pake.

Sumu 35:14

Ulaka nge ndingutenjere mbali wangu pamwenga mwana munyangu; ndingwenda nge njumoza wakuliriya anyina, ndawakukotama pasi uku nditenje.

Sumu 37:7

Uje chisisi paurongo pa Ambuya, uŵalindizge kwakuzika; reka kujikweŵeska chifukwa cha wakusakata mu nthowa yake, chifukwa cha munthu wakuchita viheni!

Sumu 38:6

Ndakotama ukongwa ndasindama; zuŵa lose nditenda wakutenje.

Sumu 42:11

Wawiyanji pasi wa mzimu wangu, utamanthiyanji mukati mwangu? Gomezga mwaku Chiuta; chifukwa ndikamurumbanga so, movya wangu ndi Chiuta wangu.

Sumu 43:5

Wa wiyanji pasi, wa mzimu wangu, utamanthiyanji mukati mwangu? Gomezga mwaku Chiuta; chifukwa ndikamurumbanga so, movya wangu ndi Chiuta wangu.

Sumu 44:3

chifukwa kuti ŵangupoka charu ndi lipanga lawo cha, ndipo kuti ndi mkono wo unguŵapaska kupunda cha; kweni ndi janja linu lakurghiya, ndi mkono winu, ndi kuŵala kwa chisku chinu; chifukwa mungukondwere mwaku iwo.

Sumu 56:11

mwaku Chiuta ndigomekezga kwambura kopa. Wangachitanji nane munthu?

Sumu 56:3

Ndichiŵa wamantha, ndiŵika chigomezgu changu mwaku imwe.

Sumu 61:2

kutuliya ku chigoti cha panu pasi ndidana kwaku imwe, penipo mtima wangu wavuka. Ndirongozgeni ine, ku jarawi lo nditali kwakuruska ine;

Sumu 71:14

Ine nyengo yose ndigomekezgenge mwaku imwe; ndikarumbanga imwe rutaruta.

Sumu 77:3

Ndighanaghana ndi Chiuta, ndipo nditamantha; ndirunguruka, ndipo mzimu wangu ugongowa.

Yesaya 30:29

Mukaŵanga ndi sumu nge mbusiku po dghera lakupaturika lichitika, ndi kukondwa kwa mtima, ulaka ndipa munthu waruta ndi kumba kwa fyolilo ku phiri la Ambuya, ku Jarawe la ku Yisraele.

Yesaya 50:10

Njani mukati mwinu yo watopa Ambuya ndi wavwiya mazu gha mteŵeti wawo, yo watenda mu mdima, ndi walivi ukweru, kweni wagomezga mu zina la Ambuya ndi kuyegeme paku Chiuta wake?

Maŵerengedu 6:26

Ambuya ayinuskiye paku imwe chisku chawo, ndi kukupaskani chimangu.

Mateyu 1:23

“Onani, mwali yo waŵenge ndi nthumbo, ndipo wapapenge mwana munthurumi, ndipo zina lake wadanikenge Immanuele”; lenilo pakung'anamulika ndi, Chiuta pamoza nafwe.

Mateyu 26:38

Sono wanguti kwaku wo, “Mzimu wangu ngwalisungu ukongwa mpaka ku nyifwa; tandarani panu, cherezgani pamoza nane.”

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

1 Samuele 30:6

Davidi wanguŵa ndi chitima ukongwa pakuti ŵanthu wo ŵakambanga kuti amupong'e ndi mya, chifukwa khamu lose lingupwetekeka mtima, munthu yose pakughanaghana ndi ŵana ŵake ŵanthurumi ndi ŵanthukazi. Kweni Davidi wangujikhwimiska mu Ambuya Chiuta wake.