Sumu 41:9 - Tonga Bible 1986

⁹ Nanga ndi mwanasi wangu wapa mtima mwaku mweniyo ndingugomekezga, yo wangurgha kurgha kwangu, nayu so wandisoske chitende chake.

Sumu 41:9 ပူးပေါင်းရင်းမြစ်များ

2 Samuele 15:12

Ndipo po Absalomu waperekanga zisembe, wangudana Ahitofele muGilono, wa muupu waku Davidi, kutuwa ku muzi wake ku Gilo. Ndipo chiŵembu chingukuwa ndi nthazi ndipo ŵanthu ŵakurondo Absalomu ŵakuwanga kuwanga mu unandi.

Jobu 19:13

“Wanderezga kutali ŵana ŵanyangu kutuwa kwaku ine, ŵanyangu ŵasanduskika ŵalendo kwaku ine.

Jobu 19:19

Mabwezi ghangu ghose gha pamtima ghandiwoya, ndipo wose wo ndingwanja ŵandiyukiya.

Sumu 101:3

kuti ndiŵikenge kanthu kaheni paurongo pa maso ghangu cha. Nditinkha nchitu zaku wo ŵapatukako kwaku Chiuta; kuti ndibatikanenge nawo nanga nkhamana cha.

Yeremiya 20:10

Pakuti ndituvwa ŵanandi ŵatokotezga. “Mantha ghe mu malo ghose! Musumuweni! Tiyeni timusumuwe!” Ndimu ghakambiya mabwezi ghangu ghose ghakuziŵirizgana nagho, ŵakulindizga kuwa kwangu. “Akhumba wakapusikikanga, penipo ndipo tingaziŵa kumupunda, ndi kumutayiya thayu lidu.”

Obadiya 1:7

Ŵanthu wose wo ŵenga pa chimangu ndi iwe ŵakupusika, ŵakudikiskiya ku mphaka; wose wo ŵenga pa phangano nawe ŵakugoda; ŵabwezi ŵako ŵamagomekezgeka ŵakuthya msampha kusi kwako kuti iwe uziŵa ndi ichi cha.

Mika 7:5

Mungagomezganga muzengezgani winu cha, mungagomezganga mubwezi cha; rondani makhomo gha mlomo winu nanga nkhu muwoli wako yo wagona mu chifuŵa chako;

Mateyu 26:23

Kweni wakwamuka wanguti, “Wakubwenga pamoza nane janja lake mu mbali, ndiyo wandipachiyenge.

Yohane 13:18

Kuti ndinena imwe mose cha; ine ndiziŵa wo ndatondo: kweni kuti lifiskike lembo lo, ‘Wakurgha chiŵande pamoza nane wasoske paku ine chitende chake.’

Marangu 32:15

“Kweni ŵanthu ŵaku Jeshuruni ŵangututuŵa ukongwa ndi ŵangusakata, ŵangututuŵa ukongwa, ŵangukuwa kuŵa ŵakhome, ŵangute fwatefwa. Ndipo ŵangusiya Chiuta yo wanguŵalenga, ndi ŵangutafula pa jarawe la utaski wawo.