Sumu 40:8 - Tonga Bible 1986

⁸ Ndikondwere kuchita khumbo linu, A Chiuta wangu; dangu linu le mukati mu mtima wangu.”

Sumu 40:8 ပူးပေါင်းရင်းမြစ်များ

Jobu 23:12

Ndilive kupatukako ku marangu ghatuŵa gha mumilomo yake, ndaronga mu chifuŵa changu mazu ghamu mlomo wake.

Sumu 112:1

Rumbani Ambuya! Wakukondwa ndi munthu yo watopa Ambuya, yo wakondwere mu kuvwiya marangu ghawo.

Sumu 119:16

Ndendi likondwa mu marangu ghinu, kuti ndiruwenge visimisimi vinu cha.

Sumu 119:24

Visimisimi vinu vitindikondweska; ndivyo vitindipangizga.

Sumu 119:47

Mukuvwiya malangulu ghinu ndikankhaŵiya, chifukwa ndigho nditanja.

Sumu 119:92

Asani dangu linu lengavi kuŵa chimwemwe changu, mphanyi ndikufwa mu kulangika kwangu.

Nthanthi 3:1

Wa mwana wangu, ungaruwanga cha kusambizga kwangu, kweni mtima wako usungenge marangu ghangu;

Yeremiya 15:16

Mazu ghinu ghangusanirika ndipo ndingughargha; mazu ghinu ghangundiŵiya likondwa ndi kuyereyeta mu mtima wangu; pakuti ndadanika ndi zina linu, Ambuya mwe, Chiuta wa maŵanja.

Yeremiya 31:33

Kweni ili ndi phanganu lo ndikachitanga ndi nyumba yaku Yisraele pavuli pa mazuŵa gho, atiti Ambuya: Ndikaŵikanga dangu mukati mwawo, ndipo ndikalilembanga pa mitima yawo; ndipo ine ndikaŵanga Chiuta wawo, ndipo iwo ŵakaŵanga ŵanthu ŵangu.

Yohane 4:34

Yesu wanguŵanene, “Chakurgha changu nchakuti ndichitenge khumbo la wakundituma yo, ndi kuti ndifiske mlimu wake.

ŴaRoma 7:22

Chifukwa mu chilangulu chaku Chiuta ndikondwere kwakulingana ndi munthu yo wamukati,

ŴaRoma 8:29

Pakuti ŵeniwo wanguŵaziŵiya limu, wanguŵateme limu wo kuyana ndi chikozgu cha Mwana wake, kuti waŵe iyo muku wawo wa ŵabali ŵanandi;

2 ŴaKorinte 3:3

pakurongoleka kuti mwe kalata waku Kristu, wakuperekeka ndi ifwe, wakulembeka ndi inke cha, kweni pa vipadwa vya mitima ya ŵanthu.