Sumu 40:10 - Tonga Bible 1986

¹⁰ Chovyo cha utaski winu kuti ndachibisa mukati mwa mtima wangu cha, ndakamba gha kugomezgeka kwinu ndi chipozomosko chinu. Kuti ndabisa cha chifundu chinu ndi ukongorekwa winu ku unganu ukuru.

Sumu 40:10 ပူးပေါင်းရင်းမြစ်များ

Sumu 22:26

Ŵakusuzgika ŵarghenge, ŵagu tenge; wo ŵatimupenja ŵarumbenge Ambuya! Mitima yinu yije ndi umoyo muyaya!

Sumu 25:10

Nthowa zose za Ambuya nchifundu ndi ukongorekwa, kwaku wose wo ŵasunga phanganu lawo ndi visimisimi vyawo.

Sumu 34:6

Musauchi uyu wangubongo, ndipo Ambuya angumuvwa, angumtaska mu visuzgu vyake vyose.

Sumu 75:9

Kweni ine kuti ndikarekezganga cha kukamba ndi vyaku Chiuta waku Yakobe, pamwenga kukoŵere marumbu kwaku iyo.

Sumu 89:1

Ndimbiyenge vya chanju chinu chakufikapo muyaya, Ambuya mwe; ndi mlomo wangu nditaulenge ukongorekwa winu ku migonezi yose.

Yesaya 49:6

Iyo watiti: “Nkhanthu kayuyu ukongwa kuti iwe uŵe mteŵeti wangu kuyuska mitundu yaku Yakobe kuwerezgiyapo wakuvikirika waku Yisraele; ndikakupaskanga iwe nge ndi lumbuni ku mitundu, mwakuti utaski wangu ufike ku chigoti cha charu chapasi.”

Ezekiele 2:7

Mazu ghangu ndigho ukambenge kwaku iwo, manyi ŵatuvwa pamwenga ŵakana kuvwa, pakuti ndiwo nyumba ya chigaruka.

Mika 7:20

Mukalongonga chigomekezgu kwaku Yakobe ndi chanju chakufikapo kwaku Abrahamu, nge ndimo mungulapiya ku auskefwe mu mazuŵa gha kali.

Luka 3:6

ndipo munthu yose wawonenge utaski waku Chiuta.”

Yohane 1:17

Pakuti langulu lo lingupaskikiya mwaku Mosese, wezi ndi uneneska vinguziya mwaku Yesu Kristu.

ŴaRoma 10:3

Chifukwa pakureka kuwamo mu urunji waku Chiuta, ndi pakulembe kumiska urunji waku ŵija, ŵengavi kujithereske ku urunji waku Chiuta.

ŴaFilipi 3:9

ndipo kuti ndisanirike mwaku iyo, pakuŵa ndi urunji wangu wamu chilangulu cha, kweni wo we mu chivwanu cha mwaku Kristu, urunji wakutuwa kwaku Chiuta wo uyegeme, pa chivwanu icho,

1 ŴaTesalonika 1:8

Chifukwa kutuwa kwinu ghawandiya mazu gho gha Ambuya mu Makedonia ndi Akhaia pe cha; kweni mu malo ghose chivwanu chinu chamwaku Chiuta chawanda; viyo kuti palive chifukwa kuti tikambepo kanthu ifwe.

1 Timote 1:15

Ndamagomekezgeka nenedu lo, ndipo ndakwenere kurondeka kose, lakuti Kristu Yesu wanguza mu charu kwachitaska ŵalakwi; waku ŵeniwo chiŵinda ndine;

Chivumbuzi 22:17

Mzimu ndi Mwali wa nthengwa ŵatiti, “Zanga!” Ndipo mweniyo watuvwa wanene, “Zanga!” Ndipo mweniyo ngwanyota waze: yo ngwakukhumba waronde kwawezi maji gha umoyo.