Sumu 39:5 - Tonga Bible 1986

⁵ Awonani, mwaŵika mazuŵa ghangu ghamanavi nge mbusani wa chikufi, ndipo nyengo ya umoyo wangu yenge nkhanthu cha mu maso ghinu! Nadidi munthu yose watuma ulaka nge nkhamvuchi kawaka!

Sumu 39:5 ပူးပေါင်းရင်းမြစ်များ

Chiyambo 47:9

Ndipo Yakobe wanguti kwaku Farao, “Mazuŵa gha virimika vya umoyo wangu ghe virimika machumi pe chumi ndi machumi ghatatu (130); ghaŵa ghamanavi ndi ghaheni mazuŵa gha virimika vya umoyo wa auskefwe mu mazuŵa gha umoyo wawo.”

2 Samuele 19:34

Kweni Barzilai wanguti, “Kumbi ndeche so ndivirimika viringa mu charu, mwakuti ndikwere pamoza ndi karonga ku Yerusalemu?

Jobu 7:6

Mazuŵa ghangu ghatenda ruŵi kwakuruska chitungu cha wakusona, ndipo ghamara kwambura chigomezgu.

Sumu 144:4

Walingana waka ndi mvuchi munthu, mazuŵa ghake ghenge nkhujumpha kwa chiduzi.

Sumu 39:11

Po mulanga munthu ndi kumuchenya chifukwa cha uheni, muparghang'a nge ndi fufuzi cho kwake nchakwanjiwa; kwakuneneska munthu yose nkhamvuchi kawaka!

Sumu 62:9

Ŵanthu ŵenge nkhamuvuchi ka waka, ŵanthu ŵa Charu ichi ŵalivi kuzirwa, pakuŵapima pa mweso ŵapepuka, mbapepu kwakuruska ka mvuchi.

Sumu 89:47

Kumbukani, Ambuya, mo uliri ufupi umoyo wa munthu; kumbukani kuti mukulenga ŵanthu wose dongo la waka!

Sumu 90:12

Tisambizgeni kuŵerenga mazuŵa ghidu alinga kuti tito mtima wa zeru.

Wakutaula 1:2

Chawaka vyawaka, watiti Wakutaula, chawaka vyawaka! Chose nchawaka.

Wakutaula 2:11

Sono ndingupima vyose vyo manja ghangu ghanguchita ndi nchitu zo ndingusuzghika nazo kuchita, ndipo ehe, chose chenga chawaka ndi suzgu ya mtima, ndipo kwengavi chanduwu pa charu chapasi.

Yesaya 40:17

Mitundu yose kuti ye kanthu cha paurongo pake, iyo watiyiŵerenga kuŵa nge nkhanthu cha njawaka njakumara.

Yakobe 4:14

penipo napo mulive kuchiziŵiska chamawa cha. Pakuti we uli umoyo winu? Mwe nyankhuŵinda, na, yo wawoneka kanyengo kamanavi, ndipo pavuli wazirimitiya.

2 Petro 3:8

Kweni kenaka, kamoza kangamsoŵani, mwaŵakwanjiwa, kuti zuŵa limoza ku Mbuya le nge ndi virimika chikwi, ndi virimika chikwi nge ndi zuŵa limoza.