Sumu 32:5 - Tonga Bible 1986

⁵ Kwananga kwangu ndingumuziŵiskani, ndipo kubende kwangu kuti ndingubisa cha; ndinguti, “Ndizomerenge mamphuru ghangu ku Ambuya”; ndipo imwe mungugowoke kwananga kwa uheni wangu.

Sumu 32:5 ပူးပေါင်းရင်းမြစ်များ

2 Samuele 12:13

Davidi wangunena ndi Natani, “Ndalakwiya Ambuya.” Ndipo Natani wanguti, “Ambuya atuzgapo uheni wako; kuti ukafwanga cha.

2 Samuele 12:9

Chifukwa nchine wayeya mazu gha Ambuya, kuchita cho nchiheni mu maso ghawo? Wakoso Uriya muHiti ndi lipanga, wamubaya ndi lipanga la ŵaAmoni, ndipo wato muwoli wake kuŵa muwoli wako.

2 Samuele 24:10

Kweni mtima waku Davidi ungulasika pavuli pakuŵerenga ŵanthu. Ndipo Davidi wanguti ku Ambuya, “Ndalakwa ukongwa mwaku ichi ndachita. Kweni sono Ambuya ndimupemphani, tuzgani uheni waku ndamteŵeti winu; pakuti ndachita kwakupusa ukongwa.”

2 Samuele 24:17

Davidi wanguti wawona mungelo yo wakosonga ŵanthu wangunena ndi Ambuya, wanguti, “Wonani, ndananga, ndipo ndachita uheni; kweni nanga mberere izi, kumbi zachitanji? Janja linu, ndi murombani, limikani ndi ine ndipo limikani ndi nyumba ya ada.”

1 ŴaKaronga 8:50

gowokiyani ŵanthu ŵinu wo ŵakulakwiyani, ndi mamphuru ghawo ghose gho ŵachitiya imwe; muŵachitiye chifundu pa maso ghaku wo ŵanguŵayore ku umkoli, alinga kuti ŵaŵachitiye chifundu

2 Mikoka 6:29

rombo le lose, kuŵeyere kwe kose kweniko kuchitikenge ndi munthu we yose, pamwenga ndi ŵanthu ŵinu wose ŵa Yisraele, asani munthu yose waziŵa urwirwi wake ndi chitima chake ndi watambaruliya manja ghake ku nyumba yinu;

Ezra 10:11

Zomerani sono ku Ambuya Chiuta wa ŵambuyafwe, ndipo muchite chakumkondweska; mujigawuwe ku ŵeneko charu ndi ku ŵanthukazi ŵachilendo.”

Jobu 31:33

asani ndabisa kwananga kwangu ku ŵanthu, ndi kubisa ubendezi wangu mu chifuŵa changu,

Jobu 33:27

ndi ŵatumba paurongo pa ŵanthu, ndi watiti: ‘Ndingulakwa, ndi ndingutimbanizga cho chenga chakurunjika, ndipo kuti chingundanduliya kanthu cha.

Sumu 103:12

nge ndimo kuvuma kuŵiya kutali ndi kuzambwe viyo ndimo anderezge kutali kwaku ifwe mphurupuru zidu.

Sumu 103:3

Mbakugowoke kubende kwako kose, mbakuchizga nthenda zako zose.

Sumu 25:16

Ng'anamukiyani kwaku ine, mundichitiye wezi, pakuti nde ndija ndipo wakusuzgika.

Sumu 25:18

Ghanaghananipo pa kupwetekeka kwangu ndi suzgu yangu, ndigowokiyeni kulakwa kwangu kose.

Sumu 30:5

Pakuti ukari wawo ngwa kanyengo kamanavi, kweni chifundu chawo nchaku umoyo wose. Kuliya kungaŵapo usiku wose, kweni ku mlenji kuŵenge chimwemwe.

Sumu 38:18

Ndisumuwa kulakwa kwangu, nde wa chitima ndi uheni wangu.

Sumu 38:19

Wo mbarwani ŵangu kwambura kafukwa mbanthazi, ndipo mbanandi wo ŵatinditinkha kwawaka.

Sumu 51:6

Ehe, imwe mukhumba uneneska wa mukati mu mtima; chifukwa ichi mundisambizge zeru mukati mwangu.

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

Sumu 86:5

Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.

Nthanthi 28:13

Mweniyo wabisa mautimbanizi ghake kuti wakasakatanga cha, kweni mweniyo wazomera ndi kughareka wakarondiyanga lisungu.

Nthanthi 30:20

Iyi ndi nthowa ya munthukazi mureŵi: waturgha ndipo wapuputa pa mlomo wake, ndi watiti, “Ndilivi kuchitapo kanthu kaheni.”

Yesaya 65:24

Ŵenga ŵandadane, ine ndamukenge, penipo ŵeche kurongoro, ine ndikavwanga.

Yeremiya 2:23

Kumbi mungakamba uli kuti, ‘Ndakazuzgika cha, kuti ndandondoloska ŵaBala cha.’? Lereskani pa nthowa yinu muchidika, ziŵani cho mwachita, gamila mu mana wa mtafu wakwendayenda kosekose.

Yeremiya 2:35

imwe mutiti, ‘Ndilivi kalema, kwakuneneska ukari wake watuwako kwangu.’ Ehe, ndikakutoliyanga ku cheruzgu pakuti wanena kuti, ‘Ndilivi kwananga.’

Yeremiya 3:13

Zomera waka kulakwa kwako, kuti ungugarukiya Ambuya Chiuta wako ndipo unguparghaniya mwaŵi wako mu ŵalendo pa sina pa muti wose uŵisi, ndi kuti ulivi kuvwiya mu mazu ghangu, atiti Ambuya.

Yeremiya 31:20

Kumbi Efraimu ndi mwana wangu wakwanjiwa? Kumbi ndi mwana wangu wapa mtima? Pakuti chingana ndingamukaripiya, nditumukumbuka mbwenu. Chifukwa cho mtima wangu uyereyeta nayo; kwakuneneska ndikamuchitiyanga lisungu, atiti Ambuya.

Hoseya 6:1

“Zaninga, tiyeni tiwere kwa Ambuya; chifukwa aparuwa, mwakuti atichizge; atipuma ndipo atimangenge umempha mabara.

ŴaLevi 5:5

Munthu yo we ndi mlandu wa viyo wakazomeranga ulakwi wake wo wakuchita,

Malaki 3:8

Kumbi munthu wangamubiya Chiuta? Ndipuuli, mutindibiya. Kweni mutiti, ‘Tikubiyani uli?’ Pakupereka vyachichumi vinu, ndi pakupaska mpasku winu wambura kwenere.

Luka 16:15

Ndipo wanguti kwaku iwo, “Imwe ndimwe ŵakujirunjiska pa maso gha ŵanthu; kweni Chiuta waziŵa mitima yinu: pakuti cho nchakutumphulika mu ŵanthu mbukazuzi pa maso ghaku Chiuta.

Luka 7:47

Chifukwa chenichi ndikunene, vyarekeka vyakulakwa vyake vinandi; pakuti wangwanja ukongwa; kweni kwaku yo kamanavi karekeke, watanja kamanavi.”

ŴaEfeso 4:32

kweni muŵenge ŵaulemu yumoza ku munyake, ŵachitima, ŵakugowokerana uli ndimo Chiuta nayo mwaku Kristu wagowoke imwe.

Yoswa 7:19

Viyo Yoswa wangukamba ndi Akani, “Wa mwana wangu, paska unkhankhu ku Ambuya Chiuta waku Yisraele, ndipo upereke marumbu kwaku Iyo, ndinene cho wachita, ungandibisa cha.”