Sumu 31:3 - Tonga Bible 1986

³ Inya, imwe ndimwe jarawi langu ndi linga langu, chifukwa cha zina linu pe mundirongozge ndi mundidanjiriye.

Sumu 31:3 ပူးပေါင်းရင်းမြစ်များ

Luka 1:79

kwachiŵaŵaliya ŵakuja mu mdima ndi chiduzi cha nyifwa; kwachirongozge marundi ghidu mu nthowa ya chimangu.”

Sumu 79:9

Tovyeni, A Chiuta, mtaski widu, chifukwa cha unkhankhu wa zina linu.

Yohane 16:13

Kweni penipo waza iyo, Mzimu wa uneneska, wazamkukurongozgani mu uneneska wose; chifukwa kuti wazamrongoro vyapa mtima wake cha; kweni vyose vyo watuvwa, wazamkamba: ndipo wazamkukuvumbuliyani vinthu vyo vituza.

Yeremiya 14:7

“Chingana mautimbanizi ghidu ghatitisimika, tovyeni, Ambuya, chifukwa cha zina linu; pakuti kutondeka kwidu kwaŵa kukuru, talakwiya imwe.

Yesaya 49:10

kuti ŵakavwanga nja chingana ndi nyota cha, mphepo yakocha pamwenga lumwi kuti vikaŵapwetakanga cha, pakuti yo wendi chitima paku iwo wakaŵarongozganga, ndipo mu visima vya maji wakaŵarongozganga.

Sumu 139:24

Wonanimo vinu kalimo kaheni mwaku ine, ndipo ndirongozgeni mu nthowa ya muyaya.

Sumu 43:3

Tumani ukweru winu ndi uneneska winu; vindirongozge, vindifikiske ku phiri linu lakupaturika ndi kweniko muja imwe!

Sumu 25:11

Chifukwa cha zina linu, Ambuya, gowokiyani kunanga kwangu, pakuti nkhukuru ukongwa.

Sumu 25:5

Mundirongozge mu uneneska winu, ndipo ndisambizgeni, pakuti imwe ndimwe Chiuta wa chipozomosko changu; kwaku imwe ndilindizga zuŵa lose.

Nehemiya 9:12

Ndi mzati wa mtambo munguŵalongozga ndi msana, ndipo ndi mzati wa moto ndi usiku, kuŵambulikiya nthowa yakukamo iwo.

Sumu 25:9

Arongozga ŵakujiyuyuwa mwaku cho nchakurunjika, ndi kuŵasambizga ŵakusuzgika nthowa yawo.

Sumu 18:2

Chiuta ndi jarawi langu, linga langu, ndi mpozomoski wangu, Chiuta wangu, jarawi langu, mwaku mweniyo ndidingang'a, ndi nguru yangu, ndi mtaski wangu wa nthazi, linga langu lakukho.

Nehemiya 9:19

imwe mu malisungu ghinu ghakuru kuti munguŵajowo cha mu bozwa; mzati wa mtambo weniwo unguŵarongozga mu nthowa wengavi kutuwako kwaku wo ndi msana, nanga ndi mzati wa moto ndi usiku weniwo unguŵambulikiya nthowa yakuti ŵendengemo.

Yoswa 7:9

Chifukwa ŵaKanani ndi wose ŵakuja mu charu cho ŵakachivwanga ichi, ndipo ŵakatizinganga, ndi kutuzgapo zina lidu mu charu chapasi sono imwe mukalichitiyanganji zina likuru?”

ŴaEfeso 1:12

kuti ifwe tiŵenge rumbu la unkhankhu wake, ifwe taŵakugomekezgeka kali mwaku Kristu:

Sumu 71:3

Mundiŵiye chitanthali chakundivikiriya, linga lakukho, kunditaska, ndimwe chakudingang'amo ndi chipozomosko changu.

Sumu 102:3

Pakuti mazuŵa ghangu gharuta nge ndi usi; liŵavu langu linyeka nge ndi nkhuni ku moto.

Sumu 116:2

Ategherezga kwangu nyengo yose yo ndidaniya kwaku iwo.