Sumu 28:2 - Tonga Bible 1986

² Vwani mazu gha kuŵeyere kwangu, ndichikutiya chovyo kwaku imwe, po ndisoske manja ghangu kulazga ku malo ghinu, ghakupaturika kwakuruska.

Sumu 28:2 ပူးပေါင်းရင်းမြစ်များ

Sumu 138:2

Ndikotamiya pasi kurazga ku kasopi winu wakupaturika ndi kurumba zina linu, chifukwa cha chifundu chinu ndi ukongorekwa winu, pakuti mwarongo kuti imwe ndi malangulu ghinu mwe apachanya ukongwa.

Sumu 141:2

Rondeni rombu langu nge nchakusunkhizga paurongo pinu, ndi kusoska kwa manja ghangu ngendi sembe ya mazulo.

1 Timote 2:8

Viyo ndiŵakhumba ŵanthurumi kuromba mu malo ghose, pakusoska manja ghakhovu kwambura chikwiya ndi suskanu.

Sumu 140:6

Ku Ambuya ndititi, “Ndimwe Chiuta wangu.” Avwani ku mazu gha kuŵeyere kwangu, Ambuya!

Sumu 134:2

Soskiyani manja ghinu ku malo ghakupaturika, ndipo rumbani Ambuya!

Sumu 5:7

Kweni ine, mu unandi wa vya chifundu vinundiserenge mu nyumba yinu, ndisopenge kurazga ku nyumba yinu yakupaturika mu kumopani imwe.

Danyele 6:10

Penipo Danyele wanguziŵa kuti karata wa dangu wasayindika wangusere mu nyumba yake ndi wangujura madangazi muchipinda cha muchanya ghakurazga ku Yerusalemu; wangujikama makongono ghake katatu mu zuŵa ndi wanguromba ndi kuwonga paurongo paku Chiuta wake, nge ndimo wachitiyanga pakudanga.

Chitenje 2:19

Yuka bongonga ndi usiku, pakwamba kwa chitulu! Dira mtima wako uli ndi maji paurongo pa Ambuya! Soske kwawo manja ghako chifukwa cha maumoyo gha ŵana ŵako ŵeniwo ŵalakatuka chifukwa cha nja pa kwamba kwa gurwi yose.

Sumu 143:6

Manja ghangu ndisoske kwinu; mzimu wangu uparanthukiya imwe nge ncharu chiyumu.

Sumu 125:5

Kweni wo ŵatenda munthowa za uheni wawo, Ambuya akaŵatuzgangapo pamoza ndi ŵakuchita uheni! Chimangu chiŵiye Yisraele!

Sumu 63:4

Ndiwongenge imwe ndichiŵa wamoyo, ndisoskenge manja ghangu kwaku imwe mu kuromba.

2 Mikoka 6:13

Solomoni wanguzenga chiguŵa cha mkuŵa cho chenga mikono yinkhonde mu utali, mikono yinkhonde mu usani, ndi mikono yitatu mu wima, ndipo wanguchiŵika mukati mu bwalo, ndi wanguma paku cho, ndi wangujikama ndi makongono ghake pa maso pa mzinda wose wa ŵaYisraele, wangutambaluriya manja muchanya.

1 ŴaKaronga 8:38

Manyi ndi rombu lakutinji, manyi nkhuŵeyere kwakutinji ko kungachitika ndi munthu we yose pamwenga ndi khamu lose la Yisraele, munthu we yose wachiziŵa suzgu ya pa mtima wake, ndipo watambaruliya manja ghake kurata ku nyumba iyi,

1 ŴaKaronga 6:19

Malo ghatuŵa ghamukati ukongwa wangugharongoso mukati ukongwa mwa nyumba iyi, mwakuti mwenimuwa ndimo ŵaŵike bokosi la phanganu la Ambuya.

1 ŴaKaronga 6:5

Wanguzenga so chakuchirikiriya chimati cha nyumba, chakuzunguliya vimati vya nyumba, vyose viŵi malo gha pakati ndi malo ghatuŵa gha mukati ukongwa; wanguchita vipinda vya mumphepete kuzunguliya kosekose.

Sumu 130:2

Ambuya, vwani khuta yangu, tegherezgani makutu ku mdanu wakuŵeyere kwangu!

Sumu 141:1

Ndidana kwaku imwe, Ambuya, ndovyeni sono! Tegherezgani po ndidana kwaku imwe.

Danyele 6:11

Viyo ŵanthu yaŵa ŵanguungana ndi ŵangusaniya Danyele waromba ndi waŵeyere paurongo paku Chiuta wake.