Sumu 16:4 - Tonga Bible 1986

⁴ Wo ŵasankha ŵachiuta ŵamwenga kuti ndisanganenge nawo mu sembe zawo cha; kuti nkhasopanga ŵachiuta ŵawo cha.

Sumu 16:4 ပူးပေါင်းရင်းမြစ်များ

Chiyambo 35:14

Ndipo Yakobe wangumika chichiri thopu mu malo ghenigha, chichiri cha mwa; ndipo wangudira mpasko wakumwa paku cho, ndi wangudira mafuta paku cho.

Sumu 32:10

Nganandi maurwirwi ku muheni; kweni chanju chikuru chitimuzingirizga yo ngwakugomekezga mu Ambuya.

Sumu 97:7

Wose ŵakusopa vikozgo ŵachita soni, wose wo ŵatijikuzga mu ŵangoza ŵawo; ŵachiuta wose ŵajikama pa maso pawo.

Chituwa 23:13

Phwereni vyose vyo ndakamba namwe; ndipo mungazumbuwanga mazina gha ŵachiuta ŵanyake cha, chingana nkhughazomerezga kuvwika mu mlomo winu cha.

Yesaya 57:6

Mukati mu mya ya nkhulungo yamu dambo mwe chigaŵa chinu; iyo, yeniyo pe, ndi mphenduzga yinu; kwaku yo mwadira mpasku wakumwa, mwatoliyako mpasku wa ufwa. Kumbi ndikachetamiskikanga pa vinthu ivi?

Yesaya 65:11

Kweni imwe mupata Ambuya, imwe mwaruwa phiri langu lakupaturika, imwe mumika gome chifukwa cha Mwaŵi muzaza vyandi vya vinyo wakusazga kuzaziya Nyifwa;

Yesaya 66:3

“Yo wabaya ng'ombe walingana ndi wakubaya munthu; yo wapereka chisopo cha mwana wamberere, walingana ndi yo wafyo khosi la garu; yo wapereka mpasku wa ufwa walingana ndi yo wasaska ndopa za nkhumba; yo wachita mpasku wa chikumbusku wa vyachema walingana ndi yo watumbika ngoza. Yaŵa ŵasankha nthowa yo ŵeneko, ndipo mtima wawo ukondwere mu maukazuzi ghawo;

Yeremiya 7:18

Ŵana ŵadeŵa nkhuni, auskeu ŵakozga moto, ndipo ŵanthukazi ŵakantha nthimphwa, kubikiya viŵande fumukazi ya kuchanya; ndipo ŵadira mipasku ya kumwa ku ŵachita ŵanyake, kundisosomole ine kukukaripa.

ŴaLevi 23:13

Ndipo sembe ya ufwa yiperekeka pamoza nayo, yiŵenge vigaŵa viŵi vya chumi vya sokora ya ufwa wamampha wakusazga ndi mafuta, kuwupereka pa moto ku Ambuya kuŵa chema chakukondweska, sembe ya kumwa yakuperekeke pamoza nayo yiŵenge vinyo, chigaŵa chimoza cha vigaŵa vinayi vya mweso wa hini.

Yona 2:8

Wo ŵaphwere vyangoza vya utesi, ŵataya kujithereska kwawo kwakuneneska.

Yoswa 23:7

kuti mureke kusazgikana ndi mitundu iyi yasiyika mukati mwinu, pamwenga kuzumbuwa mazina gha ŵachiuta ŵawo nanga nkhurapiya mwaku wo, pamwenga kuŵatataliya, nanga nkhu ŵajikamiya,