Sumu 148:8 - Tonga Bible 1986

⁸ Moto ndi fukunyira, nyankhuŵinda ndi chiuli, mphepo za nthazi zakuvwiya langulu lake!

Sumu 148:8 ပူးပေါင်းရင်းမြစ်များ

Chiyambo 19:24

Ndipo Ambuya angung'iska pa Sodomu ndi Gomora mya ya moto, ndi moto kuturiya ku Ambuya kusotopoka kuchanya;

Jobu 37:12

Yizunguriyazunguriya kwakuyana ndi urongozgi wake, kufiska vyose vyo wayilanguliya pa charu chakujamo ŵanthu.

Sumu 103:20

Rumbani Ambuya, mose mwa ŵangelo ŵawo, mwa vilimbi vyanthazi, mwakuvwiya marangu ghawo, mwa ŵakutegherezga kwaku vyo akamba!

Sumu 18:12

Kutuwa mukuŵala kwa paurongo pake matalala ndi maka gha moto ghanguporota mukati mu mitambo yake.

Chituwa 10:13

Viyo Mosese wangutambaruliya ndodo yake pa charu cha Egipiti, ndipo Ambuya anguputiska mphepo yaku vuma pa charu zuŵa lose liya ndi usiku wose wuwa; ndipo kunguti kwacha ndi mlenji mphepo yiya yaku vuma yinguza ndi ŵazombe.

Chituwa 10:19

Ndipo Ambuya angung'anamuwa mphepo ya nthazi ukongwa yaku zambwe, yeniyo yingusoska ŵazombe ndi kuŵaputiskiya mu Nyanja Yiyera, kuti mungusiyika zombe nanga njumoza cha mu charu cha Egipiti.

Chituwa 14:21

Sono Mosese wangutambaruliya janja lake pa nyanja; ndipo Ambuya angudikiskiya vuli nyanja ndi mphepo ya nthazi yaku vuma usiku wose, ndipo nyanja anguyisanduska mtunda uyumu ndipo maji ghangugawukana.

Yesaya 66:16

Pakuti ndi moto Ambuya akachitanga cheruzgu, ndipo ndi lipanga lawo, pa nyama yose; wo ŵakabayikanga ndi Ambuya ŵakaŵanga ŵanandi.

Yoele 2:30

“Ndipo ndirongonge vyakuziziswa kuchanya ndi panu pasi, ndopa ndi moto, ndi mizati ya usi.

ŴaLevi 10:2

Ndipo moto unyake unguza kutuliya ku Ambuya ndi unguŵamara, ŵangufwa paurongo pa Ambuya.

Amosi 4:13

Chifukwa ehe, iyo wakuwumba mapiri, watata mphepo; ndi kukamba ku munthu gho ndi maghano-ghano ghake; yo wachita mlenji kuŵa mdima, ndi kukanda pa utali wa charu chapasi Ambuya Chiuta wa maŵanja, ndilo zina lake!

Amosi 7:4

Viyo ndimo Ambuya Chiuta wangundiwoneske: wonani, Ambuya Chiuta wangudana cheruzgu cha moto, ndipo ungocha ndimba yikuru ndi warghanga charu.

Yona 1:4

Kweni Ambuya angutuma mphepo yikuru pa nyanja, ndipo kwenga lirondo lanthazi pa nyanja, viyo ngaraŵa yenga pafupi kusweka.

Yona 1:5

Viyo ŵakwendeska ŵangopa, ndipo munthu yose wangudanirizga kwaku chiuta wake; ndi ŵangupong'a katundu yose yo wenga mu ngaraŵa kuyipepuska. Kweni Yona wangusikiya pasi mukati mwa ngarawa, ndipo wangura, ndikugona weniukongwa.

Maŵerengedu 16:35

Ndipo moto wakutuwa ku Ambuya, unguŵamara ŵanthu machumi pe chumi ghaŵi pachanya machumi ghankhonde (250) wo ŵangupereka vyakusunkhizga.

Yoswa 10:11

Ndipo ŵachithaŵa pa maso pa ŵaYisraele ŵachisikiya ku sendemu ku Bete-horoni, Ambuya angupong'a paku wo mya yikuru kutuwa kuchanya mpaka ku Azeka, ndipo ŵangufwa; wo ŵangufwa chifukwa cha mya ya matarara ŵenga ŵanandi kuruska wo ŵangufwa ndi malipanga gha ŵanthurumi ŵaku Yisraele.

Chivumbuzi 16:21

Ndipo mya yikuru ya matarara ya uzitu wa mapaundi machumi pe chumi (100) umoza, kutuwa kuchanya yinguwiyapa ŵanthu; ndipo ŵanthu ŵangumtuka Chiuta, chifukwa cha chideru cha matarara gho; pakuti chideru chake chenga chakofya ukongwa.