Sumu 148:13 - Tonga Bible 1986

¹³ Wose ŵarumbe zina la Ambuya, pakuti zina lawo pe ndilo le pachanya; unkhankhu wawo we pachanya pa charu chapasi ndi kuchanya!

Sumu 148:13 ပူးပေါင်းရင်းမြစ်များ

1 Mikoka 29:11

Ukuru ngwinu, Ambuya, ndi nthazi ndi upundi, ndi unkhankhu chifukwa vyose vya kuchanya ndi vya pasi vinu; ufumu ngwinu, Ambuya, ndipo mwakwezgeka nge ndi mutu pachanya paku vyose.

Sumu 108:4

Chifukwa chanju chinu chakufikapo chifika pachanya pa machanya, ukongorekwa winu ku mitambo.

Sumu 113:4

Ambuya ausa pa mitundu yose, unkhankhu wawo we pachanya pa machanya.

Sumu 150:6

Chose chakuŵa ndi umoyo chirumbe Ambuya! Rumbani Ambuya!

Sumu 57:6

Wanguthyiya chirepami chapu yangu; mzimu wangu ungukotama pasi. Wangukumba zenje munthowa yangu, kweni iwo ŵeneko ndiwo ŵawamo.

Sumu 72:19

Litumbikike zina lake la unkhankhu muyaya; unkhankhu wake uzaze mu charu chose, Ameni! Ameni!

Sumu 8:1

A Chiuta, Mbuyafwe, ndakurumbika mbwenu zina linu mu charu chose chapasi! Imwe unkhankhu winu we mu malo ghakuchanya.

Sumu 8:2

Utamulika mu milomo ya malitema ndi ŵakonkha, imwe mwakhozga linga chifukwa chaŵakupindikana ŵinu, kuti murekeske ŵamawongo ndi ŵakutaya thayu.

Sumu 8:9

A Chiuta, Mbuyafwe, ndakurumbika mbwenu zina linu mu charu chose chapasi!

Sumu 99:9

Tumbikani Ambuya Chiuta widu, ndipo musopeni pa phiri lake lakupaturika! Ambuya, Chiuta widu ndi mtuwa!

Sumu ya Zisumu 5:16

Makambidu ghake nga kunowa kwakufikapo, ndipo nadi ngwakukhumbikwa. Uyu ndiyo nkhwanjiwa wangu, uyu ndi bwezi langu. Okwe mwaŵana ŵanthukazi ŵaku Yerusalemu.

Sumu ya Zisumu 5:9

Kumbi wakwanjiwa wako waruska uli wakwanjiwa munyake, owe wakutoweseska mukati mu ŵanthukazi? Wakwanjiwa wako waruska uli wakwanjiwa munyake, mwakuti uchita kutirapiya viyo?

Yesaya 12:4

Ndipo mukakambanga mu zuŵa leniliya: “Paskani viwongu ku Ambuya, danani pa zina lawo, ziŵiskani nchitu zawo mukati mu mitundu, memezani kuti zina lawo lakuzgika.

Yesaya 33:5

Ambuya akuzgika, pakuti ŵaja kuchanya; akazazanga Zioni ndi cheruzgu chirunji ndi ukongorekwa;

Yesaya 6:3

Ndipo yumoza wangudanirizga ku munyake wanguti: “Mtuŵa, mtuŵa, mtuŵa ndi Ambuya ŵa maŵanja, charu chose chapasi chazara unkhankhu wake.”

Zekariya 9:17

Ehe, ngukuru umampha wake, ndi kutowa kwake nkhwakuruska limu! Vyakurgha vikondweskenge ŵanyamata ndi vinyo mufya ŵamwali.

Mateyu 6:13

Ndipo mungatitole mu kesedu kweni titaskeni ku mheni yo.

ŴaEfeso 4:10

Mweniyo wangusika ndiyo mweniyo wangukwere so kuchanya limu ku machanya ghose, alinga wazaze vyose.)

ŴaFilipi 3:8

Nadi ndapima vyose kuŵa chitayiku chifukwa cha mziŵiru wakuzungura pakumuthoŵa Kristu Yesu Ambuyangu. Chifukwa chaku iyo ndataya, vyose, ndipo ndituvyesa mitawi alinga kuti ndanduwe Kristu,

1 Petro 3:22

mweniyo we ku marghe ghaku Chiuta, wati waruta kuchanya, pakuthereskeke kwaku iyo ŵangelo ndi mitufu ndi Vyanthazi.