Sumu 143:10 - Tonga Bible 1986

¹⁰ Ndimwe Chiuta wangu; ndisambizgeni kuchitakhumbo linu. Mzimu winu undichitiye umampha, ndirongozgeni mu nthowa yakunyoroka.

Sumu 143:10 ပူးပေါင်းရင်းမြစ်များ

Nehemiya 9:20

Mungupaska mzimu winu kuŵarunguchizga, ndipo mwengavi kunora milomo yawo mana ghinu, ndi munguŵapaska maji pa nyota yawo.

Sumu 118:28

Ndimwe Chiuta wangu, ndiwongenge imwe; ndimwe Chiuta wangu, nditaulenge ukuru winu.

Sumu 119:12

Wakutumbikika ndimwe, Ambuya: ndisambizgeni virunguchizgu vinu!

Sumu 119:35

Mundirongozge mu nthowa ya malangulu ghinu, chifukwa mwaku ghenigho ndimu ndikondwere.

Sumu 139:24

Wonanimo vinu kalimo kaheni mwaku ine, ndipo ndirongozgeni mu nthowa ya muyaya.

Sumu 140:6

Ku Ambuya ndititi, “Ndimwe Chiuta wangu.” Avwani ku mazu gha kuŵeyere kwangu, Ambuya!

Sumu 22:1

Chiuta wangu, Chiuta wangu, mwandisiyiyanji? Kumbi mwajariyanji kutali ku kundovya, ku mazu gha kutamantha kwangu?

Sumu 23:3

mzimu wangu awerezgamo. Atindirongozga mu nthowa za urunji chifukwa cha zina lawo.

Sumu 25:12

Njani munthu yo watopa Ambuya? Mweniyo ndiyo amusambizgenge nthowa yo watenere kusankha.

Sumu 27:11

Ambuya, ndisambizgeni nthowa yinu; ndipo ndirongozgeni ku nthowa yakuti ske chifukwa cha ŵarwani ŵangu.

Sumu 31:14

Kweni ine ndigomezga mwaku imwe, Ambuya, ndititi, “Ndimwe Chiuta wangu.”

Sumu 63:1

A Chiuta, ndimwe Chiuta wangu, ndipenja imwe, mzimu wangu uparanthukiya imwe, mtima wangu wose unweka imwe, nge ncharu cha chiparamba chakuvuka chamburamaji.

Yesaya 29:10

Pakuti Ambuya apunguliya paku imwe mzimu wa tulo tuzitu, ndipo ajara maso ghinu, mwa ŵamchimi, ŵavimba mitu yinu mwa ŵakuwukwa imwe.

Yesaya 63:14

Uli ndi ngombe zo zisikiya mu dambo, Mzimu wa Ambuya unguŵapaska chipumulu. Viyo ndimu mungurongozge ŵanthu ŵinu, kujichitiya mwaŵeni zina la unkhankhu.

Mika 4:2

ndi mitundu yinandi yikazanga ndi kunena kuti: “Tiyeni tikwere ku phiri la Ambuya, ku nyumba yaku Chiuta waku Yakobe; mwakuti watisambizge nthowa zake ndi kuti tendenge mwaku zo.” Chifukwa ku Zioni kukatuwiyanga dangu, ndi mazu gha Ambuya ghakatuwiyanga ku Yerusalemu.

Maŵerengedu 9:22

Manyi ghenga mazuŵa ghaŵi, pamwenga mwezi, pamwenga kuruska po, gho mtambo ungutandaliya pa chihema, kuja penipo, ŵaYisraele ŵangujaliliya mu ugoŵi kuti ŵangwenda lwendo cha; kweni po ungukwezgeke kuchanya ŵangwenda.

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

Yohane 14:26

Kweni Nkhoswi yo, Mzimu Wakupaturika, mweniyo Dada watumenge mu zina langu, iyo wazamkukusambizgani vinthu vyose, ndipo wazamkukukumbuskani vyose vyo ndakuneniyani.

ŴaRoma 15:13

Ndipo Chiuta yo wa chigomekezgu wakuzazeni ndi chimwemwe chose ndi chimangu mu kuvwana, kuti musambasenge mu chigomekezgu, mu nthazi ya Mzimu Wakupaturika.

ŴaRoma 15:30

Kweni ndikuŵeyereni, mwa ŵabali, pa chifukwa cha Ambuyafwe Yesu Kristu, ndi pa chifukwa cha chanju cha Mzimu iyo, kuti mulimbiye pamoza nane mu marombo kwaku Chiuta ghapa chifukwa changu;

ŴaRoma 5:5

ndipo chigomekezgu kuti chilengeska cha; pakuti chanju cho chaku Chiuta chasapatiskikiya mu mitima yidu mwa Mzimu Wakupaturika, yo wapaskika kwaku ifwe.

ŴaRoma 8:2

Chifukwa langulu la Mzimu wa umoyo mwaku Kristu Yesu landifwatuwa ku dangu lo la ulakwi la nyifwa.

ŴaRoma 8:26

Ndipo kwakulingana viyo Mzimu nayo watovya unthomboru widu: pakuti tirive kuziŵa cho tirombenge mo kutenere, kweni Mzimu iyo watininizikiya ndi mitamanthu yambura makambika;

ŴaEfeso 4:30

Ndipo mungamkwininiska Mzimu Wakupaturika waku Chiuta, mwaku mweniyo munguzighirikiya ku zuŵa la uwombozi.

ŴaEfeso 5:9

(chifukwa chipasi cha kungweruka ko nchamu umampha wose ndi urunji ndi uneneska),

2 Timote 1:7

Chifukwa Chiuta wengavi kutipaska mzimu wa chitenthe, kweni wa nthazi ndi wa chanju ndi wa chilangwa.

ŴaHebere 13:21

wakongoreske imwe ku mlimu wose wamampha, kwachichita khumbu lake, ndi watataliye mwaku imwe cho nchakukondweska paurongo pake, mwakuYesu Kristu; kwaku mweniyo kuŵiyenge unkhankhu muyaya-muyaya, Ameni.

1 Yohane 2:27

Ndipo imwe, chitukutizga cho munguronde kwaku iyo, chijaririye mwinu, ndipo kuti mukavuka cha kuti munthu wakusambizgeni; kweni uli ndimo chitukutuzga chake chikusambizgiyani ndi vinthu vyose ndipo nchakuneneska, ndi kuti nchitesi cha, jaririyani mwaku iyo, uli ndimo chakusambizgiyani.