Sumu 140:12 - Tonga Bible 1986

¹² Ndiziŵa kuti, Ambuya muvikiriye mrandu wa ŵakusuzgika, ndi kupaska cheruzgu chirunji ku musauchi.

Sumu 140:12 ပူးပေါင်းရင်းမြစ်များ

1 ŴaKaronga 8:45

iku vwani imwe kuchanya ko kuromba kwawo ndi kuŵeyere kwa wo, ndipo khozgani linweka lawo.

1 ŴaKaronga 8:49

iku vwani imwe kuchanya ko malo gha uja winu rombu lawo ndi kuŵeyere kwawo, ndi khozgani linweka lawo,

Sumu 102:17

Akavwanga ŵanthu ŵawo ŵakupatika, ndipo akategherezganga ku rombu lawo.

Sumu 12:3

Ambuya achekete milomo yose yauteremusi, lilime lo lirongoro vikuru vyakujikuzga,

Sumu 12:4

ŵeniwo ŵatiti, “Ndi lilime lidu tiruskenge, milomo yidu njidu, ndiyani mbuyafwe?”

Sumu 22:24

Chifukwa kuti wanguyeya chingana nkhutinkha cha suzgu ya wakusuzgika; nanga nkhumubisiya chisku chake, kweni wanguvwa, po wanguliriya kwaku iyo.

Sumu 35:10

Viwanga vyangu vyose vikatinge, “A! Ambuya, njani wakuyana ndi imwe, ndimwe mutaska wambura nthazi kwaku yo ngwanthazi zakuruska iyo, wakutomboroka ndi msauchi kwaku mweniyo watimuskoŵa?”

Sumu 72:4

Karonga weruzgenge ŵakavu mu urunji; wawovyenge ŵakusauka, ndi kuthereska wo ŵati ŵasuzga!

Sumu 9:4

Pakuti imwe mungukhozga urunji wa mlando wangu; munguja pa chitengo kupereka cheruzgu chakurunjika.

Nthanthi 22:22

Ungamubiyanga mukavu pakuti ndi mukavu, pamwenga kung'anya wakuyuzgika pa likomo;

Yesaya 11:4

kweni mu urunji wakeruzganga ŵasauchi, ndi kudumuwa ndi mwenera ŵakuzika ŵacharu chapasi; ndi nthonga ya mlomo wake ndipo ndimvuchi wa milomo yake wakabayanga ŵaheni.

Yeremiya 22:16

Ŵangweruzga mlando wa wakusauka ndi wakusuzgika, viyo kwenga umampha. Pakuchita viyo asi nkhundiziŵa ine? atiti Ambuya.

Mateyu 11:5

ŵachiburumutiya ŵalereska, ŵakuganthiya ŵatenda, ŵamakhate ŵatozgeka, ŵamgota ŵatuvwa, ŵakufwa ŵayuskika, ndipo ŵakavu ŵataulikiya makani ghakunozga.