Sumu 137:3 - Tonga Bible 1986

³ Wo ŵangutiko mikoli ŵangutifumba za sumu; ŵangutinene kuti tiŵasangaruske; “Timbiyenipo sumu yaku Zioni!”

Sumu 137:3 ပူးပေါင်းရင်းမြစ်များ

1 Mikoka 15:27

Davidi wanguvwara munjirira wa bafuta wakoloŵa wakutowa, ŵaLevi nawo viyo wose wo ŵangupinga bokosi, ndi ŵakumba, ndi Kenaniya murongozgi wa kambidu ku ŵakumba ndi Davidi wanguvwara Efodo wa Bafuta.

1 Mikoka 16:7

Viyo pa zuŵa leniliya Davidi wangulangula kuti sumu ya kuwonga yimbike kwa Ambuya ndi Asafi ndi ŵabali ŵake.

Nehemiya 4:2

Ndipo wanguti paurongo pa ŵabali ŵake ndi paurongo pa liŵanja la nkhondo la Samaria, “Ŵachitanji yaŵa ŵaYuda ŵakutomboloka? Kumbi ŵakawerezgiyangamo vinthu? Kumbi ŵakaperekanga mpasku? Kumbi ŵakamalanga kuchita pa zuŵa limoza? Kumbi ŵakawunjikanga so mya kuyituzga mu zindundu za kuviza, ndi yo yikufya mwenimo?”

Sumu 65:1

A Chiuta, ŵanthu ŵatenere kurumba imwe mu Zioni; ndi kupereka kwaku imwe cho ŵakupangana,

Sumu 79:1

A Chiuta, ŵamitundu ŵazinga ŵanthu ŵinu mu charu! Ŵakazuzga nyumba yinu yakupaturika, ŵapasuwa Yerusalemu.

Sumu 80:6

Mwatisanduska chakulimbirana cha ŵakuzengezgana nafwe; ndipo ŵarwani ŵidu ŵatitiseka.

Sumu 9:14

mwakuti ndikonkhomenge marumbu ghinu ghose, ndi kuti mu malikomo gha mwana munthukazi wa Zioni, ndikondwenge mu utaski winu.

Nthanthi 25:20

Mweniyo wambiya zisumu ku mtima uzituwe uli ndi mweniyo wazuwa chivwalu mu zuŵa lakuzizila ndipo uli ndi vinyo wakusasa pa chironda.

Yesaya 35:10

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; kukondwa kwa muyaya kukaŵanga pa mitimu yawo; ŵakarondenga likondwa ndi chimwemwe, ndipo chitima ndi urwirwi vikathaŵanga.

Yesaya 51:11

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; likondwa la muyaya likaŵanga pa mitu yawo; ŵakalondenga likondwa ndi chimwemwe, chitima ndi mitamanthu vikathaŵiyanga kutali.

Yeremiya 26:18

“Mika waku Moreshete wanguchima mu mazuŵa ghaku Hezekiya karonga waku Yuda, ndipo wanguti ku ŵanthu wose ŵaYuda, ‘Viyo atiti Ambuya ŵa maŵanja, Zioni wakalimikanga nge ndi munda; Yerusalemu wakasandukanga chimbumira cha vyakunangika, ndipo phiri la nyumba likaŵanga nge ndi malo gha pachanya gha dondo.’

Yeremiya 9:11

Ndikachitanga Yerusalemu ndundu, ya vyakunangika, mphanji mwakugona ŵakambwe; ndipo ndikayichitanga mizi yaku Yuda kuŵa mapopa, yambura ŵakujamo.”

Mika 3:12

Viyo chifukwa chaku imwe Zioni wakalimikanga nge ndi munda; Yerusalemu wakaŵanga ndundu ya vyakupasuka, ndi phiri la nyumba nge ndi miti yitali mulisuwa.

Luka 21:6

“Vyose ivi muwona, ghazenge mazuŵa mwaku ghenigho kuti urekekenge po panu cha mwa pa mwa, weniwo urekenge kugadabulika.”