Sumu 135:13 - Tonga Bible 1986

¹³ Ambuya, nyengo yose ŵanthu ŵakaziŵanga kuti ndimwe Chiuta; migonezi yose yikakumbukanga imwe.

Sumu 135:13 ပူးပေါင်းရင်းမြစ်များ

Sumu 102:12

Kweni imwe, Ambuya, mwe karonga muyaya; zina linu lijaririya ku migonezi yose.

Sumu 102:13

Imwe mukasokanga ndi kuchitiya lisungu Zioni; nyengo yakumuchitiya lisungu yafika; nyengo yo njeniyi!

Sumu 102:21

Ndipo ŵanthu ŵakataulanga zina la Ambuya mu Zioni; ŵakaperekanga viwongo kwaku iwo mu Yerusalemu,

Sumu 72:17

Zina lake lijaririye muyaya, mbiri yake yirutiliyenge mo liliri lumwi. Yimurumbenge mitundu yose, ŵanthu wose ŵapemphe Chiuta kuti waŵatumbike, nge ndimo watumbikiya karonga.

Sumu 8:1

A Chiuta, Mbuyafwe, ndakurumbika mbwenu zina linu mu charu chose chapasi! Imwe unkhankhu winu we mu malo ghakuchanya.

Sumu 8:9

A Chiuta, Mbuyafwe, ndakurumbika mbwenu zina linu mu charu chose chapasi!

Sumu 89:1

Ndimbiyenge vya chanju chinu chakufikapo muyaya, Ambuya mwe; ndi mlomo wangu nditaulenge ukongorekwa winu ku migonezi yose.

Chituwa 3:15

Chiuta wangunena nayo so Mosese, “Viyo ndimo ukanene ku ŵaYisraele, ‘Ambuya Chiuta wa auskemwe Chiuta waku Abrahamu, Chiuta waku Yisaki, ndi Chiuta waku Yakobe, wandituma kwaku imwe’; ili ndi zina langu muyaya, ndipo viyo ndimo ndikakumbukikiyanga mu migonezi yose.

Hoseya 12:5

Ambuya Chiuta wa maliŵanja, Ambuya ndi zina lawo:

Mateyu 6:13

Ndipo mungatitole mu kesedu kweni titaskeni ku mheni yo.

Mateyu 6:9

Imwe rombani viyo: Auskefwe mwa ŵakuchanya, lipaturike zina linu.