Sumu 131:1 - Tonga Bible 1986

¹ Ambuya, kuti ujikuzga cha mtima wangu, maso ghangu kuti ghalereska kwa kujitukumuwa cha; nanga ndi mu vinthu vinonono ndi vyakuziziswa ukongwa, kwaku ine,

Sumu 131:1 ပူးပေါင်းရင်းမြစ်များ

2 Samuele 6:22

Ndikaŵanga wakuyuyulika ukongwa kuruska so yapa, nkhaŵanga wakuyuyulika mu maso ghako; kweni mu ŵasungwana yaŵa wakamba, mwaku iwo ndikakuzgikanga.”

Jobu 42:3

‘Ndiyani uyu wambura zeru, wabisafundu?’ Chifukwa ichi ndakamba vyo ndengavi kuviziŵa umampha, vinthu vyakuziziswa ukongwa kwaku ine, vyo ndengavi kuviziŵa.

Sumu 101:5

Ndikaphwanyanga munthu mweniyo warongorore uheni pa muanasi wake ku ubende. Munthu wa maso ghakujitunthwa ndi mtima wa kujikuzga kuti ndimulekerezgenge waka cha.

Sumu 122:1

Ndingukondwa ŵachinena nane, “Tiyeni tirutenge ku nyumba ya Ambuya!”

Sumu 124:1

Asani Ambuya ŵengavi kuŵa kuchiri kwidu, wanene viyo sono Yisraele!

Sumu 133:1

Ehe, nkhwama mphambwenu ndi kwakunozga kuti ŵabali ŵaje pamoza!

Sumu 139:6

Kuziŵa kwinu paku ine nkhwakuziziswa; nkhwa pachanya ukongwa kuti ndingawamo cha.

Nthanthi 21:4

Maso gha kujikuzga ndi mtima wakujikuzga, nyali ya ŵaheni, ndi mphurupuru.

Yeremiya 17:16

Ndirivi kumukakamizgani kutuma chiheni, chingana nkhuti ndanweke zuŵa lasoka cha, imwe muziŵa; vyo vingutuwa mu milomo yangu, vyenga paurongo pa chisku chinu.

Yeremiya 45:5

Ndipo kumbi utijipenje vinthu vikuru? Reka kuvipenja; pakuti, ehe, nditole chiheni pa vyamoyo vyose, atiti Ambuya: kweni ndikakupaskanga iwe umoyo wako nge ndi mphoto ya nkhondo mu malo ghose kweniko ungaya.”

Maŵerengedu 12:3

Mosese wenga wakuzika kwakuruska ŵanthu wose mu charu chapasi.

Mateyu 11:29

jitoleni pinu goŵa langu, ndi sambirani kwaku ine; pakuti ndine mpovu ndi wakujiyuyuwa mu mtima: ndipo musaniyenge chipumulu ku mizimu yinu.

Machitidu gha Ŵakutumika 20:19

wakuteŵete Ambuya ndi kujiyuyuwa-mtima, ndi masozi, ndi mesedu ghakundiŵiya mafingu gha ŵaYuda;

ŴaRoma 11:33

Ndimba nayo ya usambasi wa zeru ndi so wa mziŵiru waku Chiuta; vyeruzgu vyake vizira mapenjeka mbwenu, ndi nthowa zake zizira mateskeka!

ŴaRoma 12:16

Yanani mu mtima yumoza ndi munyake. Mungasuŵiriyanga vyathamu cha, kweni sunganani ndi ŵakuzimbwa. Mungaŵanga ŵakujirumba cha.

Marangu 17:20

Viyo mtima wake ureke kujikwezga pachanya pa ŵabali ŵake, ndi kuti wareke kusere pa dondo kupatukako ku dangu, manyi nkhu janja la marghe pamwenga ku la maze, alinga kuti wagonere ukongwa mu ufumu wake, iyo ndi ŵana ŵake, mu Yisraele.

1 ŴaTesalonika 2:10

Mwe ŵakaboni imwe, ndi Chiuta viyo, mo tingujaririya kuchiri kwaku imwe mwaŵakuvwana, kwakupaturika, ndi kwaurunji, ndi kwambura kalema:

1 Samuele 16:13

Samuele wanguto supa ya mafuta, wangumupaka kumupatuwa mukati mu ŵabali ŵake; ndipo mzimu wa Ambuya unguza ndi nthazi paku Davidi kutuliya pa zuŵa liya mpaka ku urongo. Samuele wangusoka, ndi kuruta ku Rama.

1 Samuele 16:18

Yumoza wa ŵahurwa wangwamuka wanguti, “Awonani, Ndawona mwana waku Jese waku Betelehemu; yo nchilimbi mu kumba, munthu yo ngwanthazi, ndipo ndi ngwazi ya kurwa, wa vinjeru mu kurongoro, munthu wakuma umampha; ndipo Ambuya ŵe nayo.”

1 Samuele 16:22

Viyo Sauli wangutuma kwaku Jese, wakuti, “Zomera kuti Davidi wajaririye pakunditeŵete, pakuti wasaniya wezi mu maso ghangu.”

1 Samuele 17:15

kweni Davidi wendanga-endanga warutanga kwaku Sauli ndi kuweko mwakuti waziliskenge mberere za awiske ku Betelehemu.

1 Samuele 18:23

Viyo ŵateŵeti ŵaku Sauli ŵangukamba mazu yagha mu makutu ghaku Davidi. Ndipo Davidi wanguti, “Kumbi chitimuwonekiyani nge nkhanthu kamana kuŵa mkosano wa karonga, pakuwona kuti nde munthu mukavu ndi wakuyuyulika?”