Sumu 128:6 - Tonga Bible 1986

⁶ Uŵi ndi umoyo uwone ŵazuku ŵako! Chimangu chiŵiye Yisraele!

Sumu 128:6 ပူးပေါင်းရင်းမြစ်များ

Chiyambo 48:11

Ndipo Yisraele wanguti kwaku Yosefe, “Ndengavi ghanaghanu lakuti ndiwonenge chisku chako; ndipuuli chiuta wandirongosole kuwona ŵana ŵako ŵanthurumi nawo so.”

Chiyambo 50:23

Ndipo Yosefe wanguwona ŵana ŵaku Efraimu ŵamu mphapu ya chitatu; ŵana so ŵaku Makiri mwana munthurumi waku Manase wanguwiya pa makongono ghaku Yosefe.

Jobu 42:16

Pavuli paku ichi Jobu wanguja ndi umoyo virimika machumi pe chumi pachanya machumi ghanayi (140), wanguwona ŵana ŵake, ndi ŵana ŵa ŵana ŵake, ndiso fuku lake la chinayi.

Sumu 125:5

Kweni wo ŵatenda munthowa za uheni wawo, Ambuya akaŵatuzgangapo pamoza ndi ŵakuchita uheni! Chimangu chiŵiye Yisraele!

Nthanthi 17:6

Ŵazuku nchisoti cha ŵakukota, ndi unkhankhu wa ŵana ŵanthurumi mbauskeu.

Yesaya 66:12

Pakuti viyo atiti Ambuya: “Ehe, ndikarutizganga kusakata kwaku iyo uli ndi msinji, ndi usambasi wa ŵamitundu uli nkhamusinji kakusapatiya; ndipo ukawonkhanga, ukanyamulikanga pa pheŵa lake, ndi kukupembelezga pa makongono ghake.

ŴaGalatia 1:16

kuvumbuliya mwangu Mwana wake, alinga kuti ndimtaule iyo mu ŵaMitundu; kuti ndingufumba munthu we yose cha cho nditenere kuchita;