Sumu 128:3 - Tonga Bible 1986

³ Muwoli wako wakaŵanga nge ndi mphereska yakupasa mu nyumba yako; ndipo ŵana ŵako ŵakaŵanga ulaka ndi mphanda za ma olive kuzunguliya gome lako.

Sumu 128:3 ပူးပေါင်းရင်းမြစ်များ

Chiyambo 49:22

“Yosefe ndi mphanda yakupakasa pafupi pa chisima, mphanda zake zitambarulika pachanya pa chimati.

1 Mikoka 8:40

Ŵana ŵaku Ulemu ndiwo zenga ngwazi za nkhondo, wakuko mauta wenga ndi ŵana ndi ŵazuku ŵanandi, machumi pe chumi, pachanya machumi ghankhonde (150). Yaŵa wose ŵenga ŵaBenjamini.

Sumu 127:3

Ehe, ŵana nchihara cha Ambuya, chipasi cha nthumbu ndi mphoto.

Sumu 127:5

Ŵakukondwa ndi munthu yo mivwi nge ndi iyi wenayo yinandi! Kuti wakachitanga soni cha, po warongoro ndi ŵarwani ŵake mu likomo.

Sumu 144:12

Mphanyi ŵana ŵanthurumi ŵidu mu unyamata wawo ŵaŵa nge ndi mbeu ya kukuwa kali, ŵana ŵanthukazi ŵidu ŵaŵe ulaka ndi mizati ya pa nyondo, yakusemeke kunozeska nyumba ya chifumu;

Sumu 52:8

Kweni ine nde nge ndi muti wa olive wakubiliŵira mu nyumba yaku Chiuta. Ndigomekezga mu chifundu chaku Chiuta muyaya ndi muyaya.

Yeremiya 11:16

Kale Ambuya angumudanani imwe, ‘Muti uŵisi wa Olive, wamampha wa vipasi vyamampha;’ kweni ndi chibumuzi cha lirondo likuru wakasonkhangako moto kwaku wo, ndipo mphanda zake zikapiriyanga.

Ezekiele 19:10

Anyoko ŵanguŵa nge ndi mphereska mu munda wa mphereska, ŵanguwokeka pafupi ndi maji, ŵakupasa vinandi, ŵakuŵa ndi mphanda zinandi, chifukwa cha unandi wa maji.

ŴaRoma 11:24

Imwe ŵamitundu mwe nge ndi mphanda ya olive la mdondoyeniyo yapanthukako, ndipo kwambura kuyana ndi kaŵiro, yibatikika ku muti wa olive wakupandika. ŴaYuda ŵenge ndi muti uwu wakupandika, ndipo kuŵenge kupusu ukongwa kwaku Chiuta kubatika mphanda zakupanthuka izi ku chimuti chawo.