Sumu 115:4 - Tonga Bible 1986

⁴ Ŵangoza ŵawo mba siliva ndi golide, nchitu ya manja gha ŵanthu.

Sumu 115:4 ပူးပေါင်းရင်းမြစ်များ

1 ŴaKaronga 18:26

Ndipo ŵanguto nkhuzi yo ŵangupaskika ŵanguyirongoso, ndi ŵangudana pa zina laku Bala kwamba ndi mlenji mpaka msana pakati, “Bala we, utamuke!” Kweni pengavi mazu, ndipo pengavi yo wangwamuka. Ndipo ŵanguganthiyaganthiya pa chiguŵa cha sembe cho ŵanguchita.

1 ŴaKaronga 18:29

Unguti waruta msana pakati, ŵangurutiliya kujikweŵeska mpaka nyengo yakupereke visopo, kweni kwengavi limazu; pengavi yumoza wangwamuka, pengavi yo wanguphwereko.

2 ŴaKaronga 19:18

ndipo ŵataya mu moto ŵachiuta ŵawo, pakuti kuti ŵengadi ŵachiuta cha, kweni nchiutu za manja gha ŵanthu, miti ndi mya; chifukwa cho ŵakuphwanyika.

2 Mikoka 32:19

Ŵamkambanga Chiuta waku Yerusalemu nge ndimo ŵakambiyanga ndi ŵa chiuta ŵa ŵamitundu ŵamu charu, wo mbakuchitika ndi manja gha ŵanthu.

Sumu 97:7

Wose ŵakusopa vikozgo ŵachita soni, wose wo ŵatijikuzga mu ŵangoza ŵawo; ŵachiuta wose ŵajikama pa maso pawo.

Yesaya 37:19

ndipo ŵapong'a pa moto ŵachiuta ŵawo; pakuti kuti ŵenga ŵachiutadi cha, kweni ndi nchitu ya manja gha ŵanthu miti ndi mya; chifukwa chenichi ŵakuphwanyika.

Yesaya 42:17

Wakawezgekiyanga kuvuli ndi kulengeskeka kwakufikapo, ŵeniwo ŵagomekezga mu ŵangoza ŵakusemeka, ŵeniwo ŵatiti ku ŵangoza ŵakwenguwa, “Mwe ŵachiuta ŵidu.”

Yesaya 44:10

Mbayani wo ŵatata chiuta pamwenga ŵatenguwa ngoza yo kuti watanduwa kanthu cha?

Yesaya 44:20

Waturgha chakurgha cha choto mtima wakujipusika wamurongozge kwawaka, ndipo kuti waziŵa kujipozomoska cha pamwenga kunena, “Kumbi kuti mwe utesi cha mu janja langu la marghe?”

Yesaya 44:9

Wose wo ŵachita ŵangoza ŵe kanthu cha, ndipo vinthu vyo ŵakondweremo vitanduwa kanthu cha; ŵakaboni ŵawo kuti ŵawona nanga nkhuziŵa cha, kuti ŵangalengeskeka.

Danyele 3:5

penipo mutuvwa kuliya kwa mbata, kumba kwa fyoliro, bangwe, chirumbu, chimbumbuli, mangolongondo, ndi mitundu yose ya vyakumba, mutenere kugwada pasi ndi kusopa chikozgu cha golide cho karonga Nebukadanezara wamika;

Danyele 5:23

kweni wajisoska wamweni kulimbana ndi Ambuya wa kuchanya. Viyaŵi vya mu nyumba yawo vyatoreke paurongo pinu, imwe ndi nduna zinu, ŵawoli ŵinu, ndi mabwezi ghinu ghanthukazi mwamwiyamu vinyo; mwakankhuska ŵachiuta ŵa siliva ndi golide, mkuŵa, chisulo, muti, ndi mwa, ŵeniwo kuti ŵawona cha, chingana nkhuvwa, pamwenga kuziŵa; kweni Chiuta mu manja ghaku mweniyo mwe mvuchi winu, ndi mwaku mweniyo mwe nthowa zinu zose, kuti mwamukankhuska cha.

Hoseya 8:6

Ichi chapangika ndi mupangi; kuti ndi Chiuta cha. Mwana wa ng'ombe waku Samaria watekenyikenge.

Machitidu gha Ŵakutumika 19:26

Ndipo muwona ndi mutuvwa, kuti mu Efeso pe cha, kweni viŵiviŵi mu Asia yose mwenuyu Paulo wakopa ndi wapuruska urapasi wa ŵanthu, pakukamba kuti mbachiuta cha wo ŵachitika ndi manja:

Machitidu gha Ŵakutumika 19:35

Ndipo wati wachetamiska mzinda wo mlembi wa msumba, wanguti, “Mwaŵanthu mwaŵaEfeso, njani mu ŵanthu, yo walive kuziŵa kuti mu msumba waEfeso ndimo musungika kasopi waku Diana Mura ndi ŵangoza ŵakumbotoka pasi kutuwa kwaku Zeu!

Marangu 4:28

Ndipo kweniko mwamuteŵete ŵachiuta ŵa miti ndi ŵa mya, ŵakuchitika ndi manja gha ŵanthu, wo kuti ŵarereska cha nanga nkhuvwa, chingana nkhurgha, pamwenga kunuska.