Sumu 115:1 - Tonga Bible 1986

¹ Kwaku ifwe cha, Ambuya, kwaku ifwe cha, kweni ku zina linu paskani unkhankhu, chifukwa cha chanju chinu chakufikapo ndi ukongorekwa winu!

Sumu 115:1 ပူးပေါင်းရင်းမြစ်များ

Sumu 138:2

Ndikotamiya pasi kurazga ku kasopi winu wakupaturika ndi kurumba zina linu, chifukwa cha chifundu chinu ndi ukongorekwa winu, pakuti mwarongo kuti imwe ndi malangulu ghinu mwe apachanya ukongwa.

Sumu 61:7

Wajarikike pa chitengo pa maso paku Chiuta muyaya; languliyani kuti chifundu ndi kugomezgeka vimuvikiriye!

Sumu 74:22

Sokani, A Chiuta, jikambiyeni mlando winu; kumbukani mo ŵamkana Chiuta ŵatimusekiyani zuŵa lose!

Sumu 96:8

Paskani ku Ambuya unkhankhu wakwenere zina lawo; nyamuwani mpasku, ndipo zaninga mu maluluwa ghawo!

Yesaya 48:11

Pa chifukwa chaku ndamweni, chaku ndamweni pe, ndichita ichi, pakuti zina langu lingafipiskika uli? Unkhankhu wangu kuti ndipaskenge ku munyake cha.

Ezekiele 20:14

Kweni pa chifukwa cha zina langu ndingureka alinga kuti lireke kufipiskika mu maso gha mitundu, mu maso ghaku ŵeniwo ine ndinguŵatuzga iwo.

Ezekiele 36:22

“Chifukwa cho kamba ku nyumba yaku Yisraele, Viyo atiti Ambuya Chiuta: kuti ndichita ichi pa chifukwa chaku imwe cha, mwa nyumba yaku Yisraele, kweni pa chifukwa cha zina langu lituŵa, lo imwe mwakazuzga mukati mu mitundu mo munguya.

Ezekiele 36:32

Kuti ndikachitanga ichi chifukwa chinu cha, atiti Ambuya Chiuta, ichi chiziŵikwe kwaku imwe. Muŵe ŵa soni ndi ŵachitima chifukwa cha nthowa zinu, imwe nyumba yaku Yisraele.

Danyele 9:19

Ambuya, vwani, gowokiyani; Ambuya phwereni ndi chitani; rekani kuswera chifukwa chaku mwaŵeni, A Chiuta wangu, chifukwa msumba winu ndi ŵanthu ŵadanika ndi zina linu.”

Mika 7:20

Mukalongonga chigomekezgu kwaku Yakobe ndi chanju chakufikapo kwaku Abrahamu, nge ndimo mungulapiya ku auskefwe mu mazuŵa gha kali.

Yohane 1:17

Pakuti langulu lo lingupaskikiya mwaku Mosese, wezi ndi uneneska vinguziya mwaku Yesu Kristu.

ŴaEfeso 1:6

kuti urumbike unkhankhu wa wezi wake, mwaku weniwo watisambasiskiya kwawanangwa mu Nkhwanjiwa yo.

Yoswa 7:9

Chifukwa ŵaKanani ndi wose ŵakuja mu charu cho ŵakachivwanga ichi, ndipo ŵakatizinganga, ndi kutuzgapo zina lidu mu charu chapasi sono imwe mukalichitiyanganji zina likuru?”