Sumu 103:3 - Tonga Bible 1986

³ Mbakugowoke kubende kwako kose, mbakuchizga nthenda zako zose.

Sumu 103:3 ပူးပေါင်းရင်းမြစ်များ

2 Samuele 12:13

Davidi wangunena ndi Natani, “Ndalakwiya Ambuya.” Ndipo Natani wanguti, “Ambuya atuzgapo uheni wako; kuti ukafwanga cha.

Sumu 130:4

Kweni mutitigowoke, alinga kuti timopeni imwe.

Sumu 130:8

Ndipo akawombonga Yisraele ku maubendezi ghake ghose.

Sumu 147:3

Achizga mitima ya kusweka, ndi kumanga mabara ghawo.

Sumu 30:2

A, Ambuya Chiuta wangu, ndingukutiya chovyo kwaku imwe, ndipo imwe mungundichizga.

Sumu 41:8

Ŵatiti, “Chinthu chakufwa chamuko; ndipo po wagona kuti wakayukangapo so cha.”

Sumu 86:5

Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.

Chituwa 15:26

anguti, “Asani nyengo zose mukavwiyanga mazu gha Ambuya Chiuta winu, ndi kuchita cho nchakurunjika pa maso pake, ndi kuphwere malangulu ghake ndi kusunga vyakukombo vyake vyose kuti ndiŵikengepo nthenda nanga njimoza pinu cha, zenizo ndikuŵika paŵa Egipiti, pakuti ndine Ambuya, ŵakukuchizga.”

Chituwa 34:7

wakusunga chanju cha wezi ku vikwi, wakugowoke vilakwa, mautimbanizgi ndi uheni; kweni kuti wakamulekanga ŵaka wakunanga cha, wakusiskiya pa ŵana uheni wa auskeu ndi ŵazuku ku mgonezi wa chitatu ndi wa chinayi.”

Yesaya 33:24

Ndipo pakaŵangavi wakujamo mu muzi wo yo wakakambanga kuti, “Ndatama”; ŵanthu ŵakuja mwenimuwa ŵakagowokerekiyanga mauheni ghawo.

Yesaya 38:17

Ehe nchifukwa chaku ndamweni ndinguŵa ndi urwirwi ukuru; kweni imwe mwawezgako umoyo wangu ku zenje la pharghaniko, pakuti mwapong'a uheni wangu wose kuvuli ku msana winu.

Yesaya 43:25

“Ine, Ndine Iyo mweniyo wasisita mautimbanizi ghinu chifukwa cha zina langu, ndipo kuti ndikakumbukanga mauheni ghinu cha.

Yesaya 53:5

Kweni wangugwazika chifukwa cha vyakulakwa vidu, wangulasika chifukwa cha mauheni ghidu; pakuti iyo penga chilangu cho chingutitozga ifwe, ndipo ndi vikukusa vyake ifwe tikuchizgika.

Yeremiya 17:14

Ndichizgeni, Ambuya, ndipo ndikachizgikanga; ndipozomoskeni, ndipo ndikapozomokanga; pakuti imwe ndimwe rumbu langu.

Maŵerengedu 12:13

Sono Mosese wanguriya ku Ambuya kuti, “Muchizgeni, Chiuta mwe, nditukuŵeyereni.”

Marko 2:5

Ndipo Yesu, wachiwona chivwanu chawo, watiti ku wavinjenje yo, “Wamwana, vyarekeka vilakwa vyako.”

ŴaEfeso 1:7

Mwaku mweniyo te nawo uwombozi mu ndopa zake, chireke icho cha mamphuru ghidu, kwakuyana ndi usambasi wa wezi wake,

Yakobe 5:15

Ndipo rombo lo la chivwanu limtaskenge murwali yo, ndipo Ambuya akamyuskanga; ndipo asani wachita vilakwa, vireke kiyengeko kwaku iyo.