Sumu 10:3 - Tonga Bible 1986

³ Pakuti muheni watijikuzga mu makhumbo gha mtima wake, ndipo munthu wa mbunu ndi chanduwu wanyoza ndi kutuka Ambuya.

Sumu 10:3 ပူးပေါင်းရင်းမြစ်များ

1 ŴaKaronga 20:25

Sono muŵerenge ŵankhondo nge mba nkhondo ŵa mukutaya, kavalo pa kavalo, ndi gareta pa gareta; penipo ndipo tikarwananga nawo mu chidika, ndipo kwakuneneska tikaŵanange nawo mu chidika, ndipo kwakuneneska tikaŵaruskanga.” Karonga wanguvwiya mazu ghawo, wanguchitadi viyo.

Jobu 31:24

“Asani ndaŵika chigomezgu changu mu golide, pamwenga golide lakwenga kuti liŵe chigomezgu changu,

Sumu 35:21

Ŵayasama milomo yawo kumikana nane; ŵatiti, “Aha, Aha! Maso ghidu ghachiwona!”

Sumu 49:18

Nanga watijiwona kuŵa wakukondwa, po weche ndi umoyo, ndipo nanga munthu waronde vitumbiku pakujichitiya umampha iyo mweneko,

Sumu 49:6

ŵanthu wo ŵagomezga mu uromba wawo, ndi kujikuzga mu unandi wa usambasi wawo?

Sumu 5:6

Imwe mumarenge wo mbakukamba mautesi; Ambuya apata ŵanthu ŵakudiska ndopa ndi ŵakupusika.

Sumu 52:1

Utijitumbwiyanjimu uheni, wa chilimbi we, ndi viheni vyo vichitikiya pa wakopa Chiuta? Zuŵa lose, utata pharghaniko.

Sumu 94:4

Mpaka zuŵanji ŵakajikuzganga ŵakuchita utimbanizi ndi kulankha mu maubendezi ghawo?

Chituwa 15:9

Wamawongo wanguti, ‘Ndikandondoloskanga, ndikaŵakonga, ndikagaŵanga vyakuskowa, khumbo langu likagutiskikanga ndi vyenivi, ndikawewepuwanga lipanga langu, janja langu likaŵamaranga.’

Nthanthi 28:4

Ŵeniwo ŵasiya dangu ŵarumba ŵamphulupulu, kweni ŵeniwo ŵasunga dangu ŵalimbana nawo.

Wakutaula 7:15

Ine ndawona vinthu vyose mu umoyo wangu waŵaka; walipo munthu murunji yo wafwiya mu urunji wake, ndipo walipo munthu muheni yo wajaririya mu umoyo wake mu nchitu zake ziheni.

Yesaya 37:23

“ ‘Njani mweniyo wayeya ndi kulambwaza? Mphaku yani po wasoske mazu ghako ndipo wasoskiyapo maso ghako ndi kujikuzga? Mpha Mtuŵa Yumoza yo waku Yisraele!

Yesaya 57:17

Chifukwa cha kulakwa kwakukhumbira kwake ine ndingukaripa, ndingumukoso, ndingubisa chisku changu ndi ndingukaripa; kweni wangukiyakiya kuwerevuli mu nthowa ya mtima wa mweneko.

Yeremiya 22:17

Kweni iwe wendi maso ndi mtima ivi vyakuchitiya chanduwu chakupusika waka, pakudiska ndopa zambura kalema, ndi pakuchita vya kusuzga ndi chiwawa.”

ŴaLevi 26:30

Nkhaparghang'anga malo ghinu gha pachanya ndi kugumuliya pasi majochero ghinu gha vyachema ndi kupong'a viŵanda vinu pachanya pa viŵanda vya ŵangoza ŵinu mtima wangu umukaneninge.

Habakuku 2:9

Soka kwaku yo wanduwiya mbumba yake chanduwo chiheni, mwakuti wazenge nyumba yake pachanya, kuti wataskike ku urwani!

Luka 12:15

Ndipo wanguti kwaku wo, “Mucheŵe ndi muchwe ku mbunu yose: pakuti umoyo wa munthu kuti uŵiya mu ufurwi waku vyo we navyo cha.”

Luka 12:19

Ndipo ndineniyenge mzimu wangu, Wamzimu, we navyo vyuma vinandi vyakuŵikikiya ku virimika vinandi; pumuwapo; irgha, imwa, kondwa.’

ŴaRoma 1:29

pakuzazika iwo ndi uwuraurunji wose, uheni, bina, nkhaza; pakuzara chiŵinu, mbanda, ndeu, fuzi, kapimidu kaheni; ŵamtokutoku,

ŴaRoma 1:32

ŵeniwo, pakuziŵa cheruzgu chaku Chiuta, chakuti ŵakuchita vyaviyo mbakwenere nyifwa, kuti ŵavichita pe cha, kweni ŵazomerezgana so ndi ŵeniwo mbakuvichita.

1 ŴaKorinte 6:10

chingana mbakupoka, chingana mbachipanira, kuti ŵakaharanga ufumu waku Chiuta cha.

ŴaEfeso 5:5

Chifukwa namwe muziŵiska chenichi, kuti chingana ndi mureŵi yose, chingana ngwawiyu, chingana ngwachiŵinu, yo ndi msopangoza, walive chihara mu ufumu waku Kristu ndi Chiuta.

Marangu 29:19

Ndipo mweniyo wachivwa mazu gha phanganu ili lakurapa, wajitumbika mu mtima wake, kuti, ‘Ndikaŵanga umamphavi, chingana nde wamtafu.’ Penipo kuzumbwa ndikukamuka kukatuzgikangapo kwakuyana.

Marangu 32:19

“Ambuya anguchiwona ndi anguvisuska chifukwa chakukaripiskika ndi ŵana ŵawo ŵanthurumi, ndi ŵana ŵawo ŵanthukazi.

ŴaKolose 3:5

Viyo fwiskani viŵaru vinu vya panupasi; ureŵi, wiyu, ulakalaka, likhumbira liheni, ndi bina, lenilo nkhusopa ngoza;

Yakobe 4:13

Ekwe, aimwe, mwaŵakukamba, “Le pamwenga mawa tikenge ku muzi wakuti e, ndipo titandarenge kweniko chaka chimoza, tamgula ndi kusaska, ndi kwanduwa”;

Yakobe 4:16

Kweni sono mutumbwiya mu matukutuku ghinu: chi tumbwa chose chaviyo nchiheni.

1 Yohane 2:15

Munganjanga charu cha, chingana ndi vyo vyamu charu. Asani munthu watanja charu cho, kuti chanju cho cha Dada che mwake cha.

Ŵeruzgi 17:2

Ndipo uyu wanguti ku nyina, vya siliva chikwi chimoza ndi machumi pe chumi (1,100) vingutoleka kwinu, vyo mungukambiyapo thembo lo ndingulivwa ndi ine, ehe, siliva yo wendi ine, “Ndine ndinguto.” Ndipo anyina ŵanguti “Wakutumbikika waŵe mwana ku Ambuya.”

1 Samuele 23:21

Sauli pakwamuka wanguti, “Mutumbikike ndi Ambuya; chifukwa mwaŵa nane ndi lisungu.